ധ്യാൻ ശ്രീനിവാസന്റെ 'തേവർ' ചിത്രീകരണം പൂർത്തിയായി

ധ്യാൻ ശ്രീനിവാസനെ നായകനാക്കി നിജീഷ് സഹദേവൻ രചനയും സംവിധാനവും നിർവഹിക്കുന്ന 'തേവർ' എന്ന ചിത്രത്തിന്റെ ചിത്രീകരണം പൂർത്തിയായി. പൊള്ളാച്ചി, കോയമ്പത്തൂർ എന്നിവിടങ്ങളിലായിരുന്നു സിനിമയുടെ ഷൂട്ടിങ്. കേരള-തമിഴ്നാട് അതിർത്തി ഗ്രാമത്തിന്റെ പശ്ചാത്തലത്തിൽ ഒരുങ്ങുന്ന ഫാന്റസി കോമഡി എന്റർടെയ്നറാണു ചിത്രം.

വ്യത്യസ്ത സാഹചര്യങ്ങളിൽ നിന്നുവരുന്ന മൂന്നു യുവാക്കളുടെ കഥയാണ് 'തേവർ' പറയുന്നത്. സ്വന്തം ലക്ഷ്യങ്ങൾക്കായി ഓടുന്ന ഇവരുടെ ജീവിതത്തിലേക്ക് അദ്ഭുതശക്തിയുണ്ടെന്നു വിശ്വസിക്കപ്പെടുന്ന ഒരു വിഗ്രഹം എത്തുന്നതോടെ ഉണ്ടാകുന്ന രസകരമായ സംഭവവികാസങ്ങളാണു ചിത്രത്തിന്റെ പ്രമേയം. ധ്യാൻ ശ്രീനിവാസനൊപ്പം ഷഹീൻ സിദ്ധിഖ്, റോഷൻ രാജ് എന്നിവരും പ്രധാന വേഷങ്ങളിലെത്തുന്നു.

മലയാളത്തിലെയും തമിഴിലെയും പ്രമുഖ താരനിര ചിത്രത്തിൽ അണിനിരക്കുന്നു. തലൈവാസൽ വിജയ്, കലാഭവൻ ഷാജോൺ, ദേവൻ, ഹരിശ്രീ അശോകൻ, സുനിൽ സുഖദ, ഷാജു ശ്രീധർ, മേജർ രവി, നിർമൽ പാലാഴി, ശിവജി ഗുരുവായൂർ, ജയരാജ് വാര്യർ, രാജേന്ദ്രൻ, വൈയാപുരി, ഐശ്വര്യ, പൂജ റാം, ഡാനി തുടങ്ങിയവരാണു മറ്റ് അഭിനേതാക്കൾ.

മലയാളത്തിലെയും തമിഴിലെയും പ്രമുഖ താരനിര ചിത്രത്തിൽ അണിനിരക്കുന്നു. തലൈവാസൽ വിജയ്, കലാഭവൻ ഷാജോൺ, ദേവൻ, ഹരിശ്രീ അശോകൻ, സുനിൽ സുഖദ, ഷാജു ശ്രീധർ, മേജർ രവി, നിർമൽ പാലാഴി, ശിവജി ഗുരുവായൂർ, ജയരാജ് വാര്യർ, രാജേന്ദ്രൻ, വൈയാപുരി, ഐശ്വര്യ, പൂജ റാം, ഡാനി തുടങ്ങിയവരാണു മറ്റ് അഭിനേതാക്കൾ.