'സേ ഇറ്റ്...സേ ഇറ്റ്....'-ടോക്സിക് ടീസറിൽ ഗീതുമോഹൻദാസിനെതിരേ രൂക്ഷവിമർശനം

തെന്നിന്ത്യൻ താരം യാഷ് നാ​യ​ക​നാ​കു​ന്ന 'ടോ​ക്സി​ക്' എ​ന്ന ചി​ത്ര​ത്തി​ന്‍റെ പുതിയ ടീ​സ​റി​നെ​ച്ചൊ​ല്ലി മ​ല​യാ​ളസിനിമാലോകത്ത് ചൂടേറിയ വാ​ദ​പ്ര​തി​വാ​ദ​ങ്ങ​ൾ ഉ​യ​രു​ന്നു. സം​വി​ധാ​യി​ക ഗീ​തു മോ​ഹ​ൻ​ദാ​സി​നെ​തി​രെ അതിരൂ​ക്ഷ ​വി​മ​ർ​ശ​ന​മാണ് സമൂഹമാധ്യമങ്ങളിൽ നിറയുന്നത്. 'സേ ഇറ്റ്..സേ ഇറ്റ്...'എന്ന ​ഗീതുവിന്റെ പഴയൊരു വാചകം ആവർത്തിച്ച് പലരും ശക്തമായ ആക്രമണം തുടങ്ങിക്കഴിഞ്ഞു.

വ​ർ​ഷ​ങ്ങ​ൾ​ക്ക് മു​മ്പ് തിരുവനന്തപുരത്ത് രാ​ജ്യാ​ന്ത​ര ച​ല​ച്ചി​ത്ര മേ​ള​യു​ടെ വേ​ദി​യി​ൽ ന​ടി പാ​ർ​വ​തി തി​രു​വോ​ത്ത് മമ്മൂട്ടി നായകനായ 'ക​സ​ബ'​യി​ലെ സ്ത്രീ​വി​രു​ദ്ധ​ത​യെ സിനിമയുടെ പേരുപറയാതെ വി​മ​ർ​ശി​ച്ച​പ്പോ​ൾ, സി​നി​മ​യു​ടെ പേ​രെ​ടു​ത്തു പ​റ​യാ​ൻ പാ​ർ​വ​തി​ക്ക് ധൈ​ര്യം ന​ൽ​കി​യ​ത് അടുത്തിരുന്ന ഗീ​തു മോ​ഹ​ൻ​ദാ​സ് ആ​യി​രു​ന്നു. 'സേ ​ഇ​റ്റ്, സേ ​ഇ​റ്റ്' എ​ന്ന് നിർബന്ധിച്ച് ഗീ​തു പാ​ർ​വ​തി​യെക്കൊണ്ട് കസബ എന്ന പേരുപറയിച്ചത് അ​ന്നു വ​ലി​യ വാ​ർ​ത്ത​യാ​യി​രു​ന്നു. അ​ന്നു സ്ത്രീ​വി​രു​ദ്ധ​ത​യ്ക്കെ​തി​രെ നി​ല​കൊ​ണ്ട ഗീ​തു, ഇ​ന്ന് തന്‍റെ പു​തി​യ ചി​ത്ര​ത്തി​ൽ അ​തേ രീ​തി​ക​ൾ പി​ൻ​തു​ട​രു​ന്നു എ​ന്നാ​ണ് പഴയ 'സേ ഇറ്റ്' വീഡിയോ പങ്കുവച്ചുകൊണ്ട് സോഷ്യൽമീഡിയയിൽ പലരും ആരോപിക്കുന്നത്.

'ടോക്സിക്കി'ലെ യാഷിനെ അവതരിപ്പിക്കുന്ന ടീസർ അദ്ദേഹത്തിന്റെ ജന്മദിനമായ വ്യാഴാഴ്ചയാണ് പുറത്തുവന്നത്. ഇത് തുടങ്ങുന്നതുതന്നെ കാറിനുള്ളിലെ ലൈം​ഗികവേഴ്ചയുടെ 'ചൂടൻ'ദൃശ്യത്തോടെയാണ്. ഇതാണ് പ്രധാനമായും വിമർശനത്തിന് വഴിവെച്ചിരിക്കുന്നത്. ടോക്സിക്കിൽ സ്ത്രീയെ പ്രദർശനവസ്തുവാക്കുന്നുവെന്ന ആരോപണം ചിത്രത്തിന്റെ ആദ്യ ടീസർ വന്നപ്പോൾ തന്നെ ഉയർന്നിരുന്നു. കഴിഞ്ഞവർഷം യാഷിന്റെ ജന്മദിനത്തിൽ ആണ് അതും റിലീസ് ചെയ്തത്. അന്ന് 'കസബ'യുടെ സംവിധായകൻ നിഥിൻ രൺജി പണിക്കർ ഗീതുവിനെതിരേ കടുത്ത വിമർശനം ഉയർത്തി രം​ഗത്തുവന്നു. 'അതിർത്തികടന്ന'പ്പോൾ സിനിമയുടെ 'രാ​ഷ്ട്രീ​യ ശ​രി'​ക​ൾ മാറിയോ എന്ന ചോദ്യമുയർത്തിയാണ് ഗീതുവിന്റേത് ഇരട്ടത്താപ്പെന്ന് പരിഹസിച്ച് നിഥിൻ ആഞ്ഞടിച്ചത്.

ടോ​ക്സി​ക് ടീ​സ​റി​ൽ സ്ത്രീ ​ക​ഥാ​പാ​ത്ര​ങ്ങ​ളെ ഗ്ലാ​മ​റ​സാ​യി അ​വ​ത​രി​പ്പി​ച്ച​തിനെയും ‘മെ​യി​ൽ ഗേ​സ്’ (Male Gaze) അ​ഥ​വാ ആ​ൺ​നോ​ട്ട​ങ്ങ​ളെ തൃ​പ്തി​പ്പെ​ടു​ത്തു​ന്ന ദൃ​ശ്യ​ങ്ങ​ൾ ഉ​ൾ​പ്പെ​ടു​ത്തി​യതിനെയും നിഥിൻ വിമർശിച്ചു. ഇ​ൻ​സ്റ്റ​ഗ്രാം സ്റ്റോ​റി​യി​ലൂ​ടെ പ​രി​ഹാ​സ​രൂ​പേ​ണ​യാ​യി​രു​ന്നു അ​ദ്ദേ​ഹ​ത്തി​ന്‍റെ പ്ര​തി​ക​ര​ണം ഇങ്ങനെയായിരുന്നു:

"സ്ത്രീ​വി​രു​ദ്ധ​ത ത​രി​മ്പും ഇ​ല്ലാ​ത്ത, സ്ത്രീ​ശ​രീ​ര​ത്തെ വ​സ്‌​തു​വത്കരി​ക്കു​ന്ന ‘ആ​ൺ​നോ​ട്ട’​ങ്ങ​ളി​ല്ലാ​ത്ത, ക​സ​ബ​യി​ലെ ആ​ൺ​മു​ഷ്ക്ക് മ​ഷി​യി​ട്ടു നോ​ക്കി​യാ​ലും കാ​ണാ​ൻ പ​റ്റാ​ത്ത രാ​ഷ്ട്രീ​യ ശ​രി​ക​ളു​ടെ ദൃ​ശ്യാ​വി​ഷ്കാ​രം... ‘SAY IT, SAY IT!!’ എ​ന്ന് പ​റ​ഞ്ഞു ഗി​യ​ർ കേ​റ്റി വി​ട്ട പു​ള്ളി, പ​ക്ഷേ സ്റ്റേ​റ്റ് ക​ട​ന്ന​പ്പോ​ൾ ‘അ​വ​രു​ടെ’ സ്ത്രീ​വി​രു​ദ്ധ​ത​യു​ടെ വ്യാ​ഖ്യാ​നം സൗ​ക​ര്യ​പൂ​ർ​വം തി​രു​ത്തി​യോ?'

എന്നാൽ വിമർശനങ്ങളിൽ അന്ന് ഗീതു മോഹൻദാസ് പ്രതികരിച്ചില്ല. ല​യേ​ഴ്സ് ഡൈ​സ്, മൂ​ത്തോ​ൻ തു​ട​ങ്ങി​യ റി​യ​ലി​സ്റ്റി​ക് സി​നി​മ​ക​ൾക്കുശേഷമാണ് ഗീ​തു മോ​ഹ​ൻ​ദാ​സ് മാ​സ് മ​സാ​ല ആ​ക്ഷ​ൻ ചി​ത്ര​വു​മാ​യി എ​ത്തു​ന്ന​ത്. യാ​ഷിന്‍റെ ക​രി​യ​റി​ലെ 25-ാം ചി​ത്ര​മാ​യ ടോ​ക്സി​ക്, കെവി​എ​ൻ പ്രൊ​ഡ​ക്ഷ​ൻ​സും യാ​ഷിന്‍റ മോ​ൺ​സ്റ്റ​ർ മൈ​ൻ​ഡും ചേ​ർ​ന്നാ​ണ് നി​ർ​മിക്കു​ന്ന​ത്. ഒ​രു കൊ​മേ​ഴ്സ്യ​ൽ സി​നി​മ​യ്ക്ക് ആവശ്യമായ എല്ലാ 'മസാലച്ചേരുവക'ളും അടങ്ങിയതാണ് ചിത്രമെന്നാണ് ടീസറിൽനിന്നും ഫസ്റ്റ്ലുക്ക് പോസ്റ്ററുകളിൽനിന്നു വ്യക്തമാകുന്നത്.