അതിശയഅവതാറുകൾക്ക് ഇടവേള,ഇനി ജെയിംസ് കാമറൂൺ ഹിരോഷിമയിലെ ജീവിക്കുന്ന പ്രേതങ്ങളിലേക്ക്

നീ​ല അ​ന്യ​ഗ്ര​ഹ​ജീ​വി​ക​ളി​ൽനി​ന്നും ബി​ല്യ​ൺ ഡോ​ള​ർ ബോ​ക്സ് ഓ​ഫീ​സ് ക​ണ​ക്കു​ക​ളി​ൽനി​ന്നും മാറിച്ചിന്തിച്ച് ലോകോത്തര സംവിധായകൻ ജെയിംസ് കാമറൂൺ. ''ടൈ​റ്റാ​നി​ക്ക്', 'അ​വ​താ​ർ' എ​ന്നീ ചി​ത്ര​ങ്ങ​ൾ ഒരുക്കിയ കാമറൂൺ തന്‍റെ പുതിയ ചിത്രം പ്രഖ്യാപിച്ചു. ദീ​ർ​ഘ​കാ​ല സ​ഹ​പ്ര​വ​ർ​ത്ത​ക​നാ​യ ചാ​ൾ​സ് പെ​ല്ലെ​ഗ്രി​നോ​യു​ടെ 'ഗോ​സ്റ്റ്‌​സ് ഓ​ഫ് ഹി​രോ​ഷി​മ' എ​ന്ന നോവലാണ് കാമറൂണിന്‍റെ അടുത്ത ചലച്ചിത്രവിസ്മയം.

15 വ​ർ​ഷ​ത്തി​നു ശേ​ഷം കാ​മ​റൂ​ണിന്‍റെ ആ​ദ്യ​ത്തെ 'അ​വ​താ​ർ' ഇ​ത​ര സി​നി​മ​യാ​ണി​ത്. ഫാന്‍റസിക്കപ്പുറം ഗൗരവമേറിയ വിഷയമാണ് കാമറൂൺ സ്വീകരിക്കുന്നത്. അ​ദ്ദേ​ഹം ആ ​ഉ​ത്ത​ര​വാ​ദി​ത്ത​ത്തെ നിസാരമായി കാ​ണു​ന്നി​ല്ല. ലോ​ക​ത്തി​ലെ ആ​ദ്യ​ത്തെ ആ​ണ​വ ആ​ക്ര​മ​ണ​ത്തിന്‍റെ പ​ശ്ചാ​ത്ത​ല​ത്തി​ൽ, ആ​ണ​വ​യു​ദ്ധത്തിന്‍റെ വേ​ട്ട​യാ​ടു​ന്ന ഓ​ർമ​പ്പെ​ടു​ത്ത​ലാ​യിരിക്കും കാമറൂണിന്‍റെ സിനിമ. ബോം​ബാ​ക്ര​മ​ണ​ത്തി​ന്‍റെ 80-ാം വാർഷികമായ ഇത്തവണത്തെ ഹി​രോ​ഷി​മാദിനത്തിലായിരുന്നു പുസ്തകം പുറത്തിറങ്ങിയത്. അതിനൊപ്പമായിരുന്നു കാമറൂണിന്റെ പ്രഖ്യാപനം.

'ടൈ​റ്റാ​നി​ക്കി​'നു ശേ​ഷം താ​ൻ ക​ണ്ട ഏ​റ്റ​വും ശ​ക്ത​മാ​യ ക​ഥ​ക​ളി​ൽ ഒ​ന്നാ​ണ് 'ഗോ​സ്റ്റ്‌​സ് ഓ​ഫ് ഹി​രോ​ഷി​മ' എന്ന് കാമറൂൺ പറഞ്ഞു. ചാ​ൾ​സ് പെ​ല്ലെ​ഗ്രി​നോ​യു​ടെ അ​സാ​ധാ​ര​ണ​മാ​യ പു​സ്ത​കം ചലച്ചിത്രാവിഷ്കാരം നടത്തുന്നതിൽ ആവേശത്തിലാണ്. മി​ക​ച്ച ക​ഥ​ക​ളാ​ണ് തന്നെ ആ​ക​ർ​ഷി​ക്കു​ന്ന​തെന്നും കാമറൂൺ പറഞ്ഞു. 'ടൈ​റ്റാ​നി​ക്കി'​ൽ ഒ​രു​മി​ച്ച് പ്ര​വ​ർ​ത്തി​ച്ച​തു മു​ത​ൽ കാ​മ​റൂ​ണി​ന് പെ​ല്ലെ​ഗ്രി​നോ​യു​മാ​യി അ​ടു​ത്ത ബ​ന്ധ​മു​ണ്ട്. അ​വ​ർ പി​ന്തു​ട​രു​ന്ന പൊ​തുവായ ചിന്തകളെ​ക്കു​റി​ച്ച് പ​ല​പ്പോ​ഴും സം​സാ​രി​ക്കാ​റുമു​ണ്ട്.

അ​തേ​സ​മ​യം, പ​ണ്ടോ​റ​യു​ടെ ആ​രാ​ധ​ക​ർ വി​ഷ​മി​ക്കേ​ണ്ട​തി​ല്ല. 2024 ൽ ​റി​ലീ​സ് ചെ​യ്യാ​ൻ തീ​രു​മാ​നി​ച്ചി​രു​ന്ന 'അ​വ​താ​ർ: ഫ​യ​ർ, ആ​ഷ്' ഈവർഷം ഡി​സം​ബ​ർ 19ന് ​പു​റ​ത്തി​റ​ങ്ങും. അ​ടു​ത്ത അ​ധ്യാ​യ​ങ്ങ​ൾ - അ​വ​താ​ർ 4 ഉം ​അ​വ​താ​ർ 5 ഉം- ​യ​ഥാ​ക്ര​മം 2029 ലും 2031 ​ലും റി​ലീ​സ് ചെയ്യാനാണ് തീരുമാനം. പ​റ​ക്കു​ന്ന ബാ​ൻ​ഷീ​ക​ളി​ലേ​ക്കും തി​ള​ങ്ങു​ന്ന കാ​ടു​ക​ളി​ലേ​ക്കും മ​ട​ങ്ങു​ന്ന​തി​ന് മു​മ്പ്, കാ​മ​റൂ​ൺ ഹി​രോ​ഷി​മ​യി​ൽ ജീവിക്കുന്ന പ്രേ​ത​ങ്ങ​ളി​ലേ​ക്ക് ആ​ഴ്ന്നി​റ​ങ്ങു​ക​യാ​ണ്; 'ഗോ​സ്റ്റ്‌​സ് ഓ​ഫ് ഹി​രോ​ഷി​മ' യിലൂടെ..!