'ലാൽജോസ് മാജിക് എന്നൊന്നില്ല'

ലാ​ൽ ജോ​സ് ജ​ന​പ്രി​യ സം​വി​ധാ​യ​ക​നാ​ണ്. വ്യ​ത്യ​സ്ത​മാ​യ ശൈ​ലി​യി​ലൂ​ടെ, വി​ഷ​യ​വൈ​വി​ധ്യത്തി​ലൂ​ടെ മ​ല​യാ​ളി​ക​ളു​ടെ മ​ന​സി​ൽ ഇ​ടം നേ​ടി​യ ച​ല​ച്ചി​ത്ര​കാ​ര​ൻ. മ​ഹാ​വി​ജ​യ​ങ്ങ​ളും പ​രാ​ജ​യ​ങ്ങ​ളു​മൊ​ക്കെ ചേ​ർ​ന്ന​താ​ണ് ലാ​ൽ ജോ​സ് എന്ന സംവിധായക​ന്‍റെ ജീ​വി​തം. മീ​ശ​മാ​ധ​വ​ൻ, ചാ​ന്തു​പൊ​ട്ട്, അ​ച്ഛ​നു​റ​ങ്ങാ​ത്ത വീ​ട്, ക്ലാ​സ്മേ​റ്റ്സ്, 41 തു​ട​ങ്ങി വ്യ​ത്യ​സ്ത​ങ്ങ​ളാ​യ എ​ത്ര​യോ ചി​ത്ര​ങ്ങ​ൾ..ലാൽ ജോസ് ചലച്ചിത്രവഴികളെക്കുറിച്ച് സംസാരിക്കുന്നു.

സിനിമാപ്രവേശം

1998ൽ ​ആ​ണ് 'ഒ​രു മ​റ​വ​ത്തൂ​ർ ക​ന​വ്’ എ​ന്ന എ​ന്‍റെ ആ​ദ്യ സി​നി​മ സം​ഭ​വി​ക്കു​ന്ന​ത്. സ്വ​ത​ന്ത്ര സം​വി​ധാ​യ​ക​നാ​കു​ന്ന​തി​നു മുമ്പ്​ ഒ​മ്പതു വ​ർ​ഷ​ത്തോ​ളം അ​സി​സ്റ്റ​ന്‍റ് ഡ​യ​റ​ക്ട​ർ, അ​സോ​സി​യേ​റ്റ് ഡ​യ​റ​ക്ട​ർ എ​ന്നീ നി​ല​ക​ളി​ൽ പ്ര​വ​ർ​ത്തി​ച്ചു. സി​നി​മ​യി​ലെ മു​പ്പ​തി​ലേ​റെ വ​ർ​ഷം.അ​തൊ​രു വ​ലി​യ യാ​ത്ര​യാ​ണ്. വേ​റി​ട്ട ഒ​രു യാ​ത്ര എ​ന്നും പ​റ​യാം. ഒ​റ്റ​പ്പാ​ല​ത്തെ ഗ്രാ​മ​പ്ര​ദേ​ശ​ത്ത് ജ​നി​ച്ചു വ​ള​ർ​ന്ന ഞാ​ൻ ഒ​രി​ക്ക​ലും സി​നി​മ​യി​ൽ വ​രു​മെ​ന്നു ക​രു​തി​യി​രു​ന്നി​ല്ല. പ​ഠ​ന​കാ​ല​ത്ത് സി​നി​മ കാ​ണു​ന്ന​ത് ഇ​ഷ്ട​മാ​ണ് എ​ന്ന​തി​ലു​പ​രി സി​നി​മ മ​ന​സി​ൽ കൊ​ണ്ടു ന​ട​ന്നി​ട്ടി​ല്ല. സി​നി​മ​യു​മാ​യി ബ​ന്ധ​മൊ​ന്നു​മി​ല്ലാ​ത്ത കു​ടും​ബ​ത്തി​ലാ​ണ് ഞാ​ൻ ജ​നി​ച്ച​ത്. അ​ച്ഛ​നും അ​മ്മ​യും അ​ധ്യാ​പ​ക​രാ​യി​രു​ന്നു. പ്ര​ത്യേ​കി​ച്ച് ല​ക്ഷ്യ​ബോ​ധ​മൊ​ന്നു​മി​ല്ലാ​ത്ത ഒ​രു കാ​ല​ഘ​ട്ടം ആ​യി​രു​ന്നു അ​ത്. സി​നി​മ​യി​ൽ വ​ര​ണ​മെ​ന്നോ, സം​വി​ധാ​യ​ക​നാ​ക​ണ​മെ​ന്നോ അ​ങ്ങ​നെ ആ​ഗ്ര​ഹ​ങ്ങ​ളൊ​ന്നും മ​ന​സി​ൽ പോ​ലും ഉ​ണ്ടാ​യി​ട്ടി​ല്ല.

ഡി​ഗ്രി പ​ഠ​നം ക​ഴി​ഞ്ഞ​പ്പോ​ൾ ദു​ബാ​യി​ൽ ഒ​രു ജോ​ലി ശ​രി​യാ​യി. ജോ​ലി​യു​മാ​യി ബ​ന്ധ​പ്പെ​ട്ടാ​ണ് മാ​നു​വ​ൽ ക​ള​ർ പ്രോ​സ​സി​ങ് പ​ഠി​ക്കാ​ൻ ചെ​ന്നൈ​യി​ലേ​ക്ക് വ​ണ്ടി​ക​യ​റു​ന്ന​ത്. ബ്ലാ​ക്ക് ആ​ൻ​ഡ് വൈ​റ്റ് പ്രി​ന്‍റി​ങ് അ​റി​യാ​മാ​യി​രു​ന്നു. പ​ഠി​ക്കു​ന്ന കാ​ല​ത്ത് കേ​ര​ള കൗ​മു​ദി ദി​ന​പ്പ​ത്ര​ത്തി​ന്‍റെ റി​പ്പോ​ർ​ട്ട​റും ഫോ​ട്ടോ​ഗ്ര​ഫ​റും ഒ​റ്റ​പ്പാ​ലം ഏ​ജ​ന്‍റു​മാ​യി​രു​ന്നു ഞാ​ൻ. പ​ത്ര​ത്തി​ലെ ജോ​ലി​യു​ടെ ആ​വ​ശ്യ​ത്തി​ന് അ​വി​ടെ​യു​ള്ള ഒ​രു സ്റ്റു​ഡി​യോ​യി​ൽ നി​ന്ന് ബ്ലാ​ക്ക് ആ​ൻ​ഡ് വൈ​റ്റ് പ്രോ​സ​സി​ങ് പ​ഠി​ച്ചി​രു​ന്നു. അ​ക്കാ​ല​ത്ത് മും​ബൈ​യി​ലും ചെ​ന്നൈ​യി​ലു​മാ​യി​രു​ന്നു ഈ ​കോ​ഴ്സ് ഉ​ണ്ടാ​യി​രു​ന്ന​ത്. മും​ബൈ​യ്ക്കാ​ണ് ഞാ​ൻ വ​ണ്ടി ക​യ​റി​യി​രു​ന്ന​തെ​ങ്കി​ൽ എ​ന്‍റെ ജീ​വി​തം മാ​റി​പ്പോ​കു​മാ​യി​രു​ന്നു. ചെ​ന്നൈ​യി​ലേ​ക്ക് വ​ണ്ടി ക​യ​റാ​ൻ മ​റ്റൊ​രു കാ​ര​ണം കൂ​ടി​യു​ണ്ട്. എ​ന്‍റെ സു​ഹൃ​ത്തും സ​ഹ​പാ​ഠി​യും ഗാ​യ​ക​നു​മാ​യ ദി​നേ​ശ് ചെ​ന്നൈ​യി​ലു​ണ്ട്. അ​ക്കാ​ര​ണ​ത്താ​ൽ എ​നി​ക്കു വീ​ട്ടി​ൽ​നി​ന്ന് ചെ​ന്നൈ​യി​ലേ​ക്കു​ള്ള യാ​ത്ര​യ്ക്ക് അ​നു​മ​തി ല​ഭി​ച്ചു.

ചെന്നൈ ജീവിതം

ചെ​ന്നൈ​യി​ൽ, സി​നി​മ​യി​ൽ ജോ​ലി ചെ​യ്യു​ന്ന​വ​ർ താ​മ​സി​ക്കു​ന്ന സ്ഥ​ല​ത്താ​ണ് എ​നി​ക്ക് താ​മ​സം ശ​രി​യാ​യ​ത്. അ​സി​സ്റ്റ​ന്‍റ് ഡ​യ​റ​ക്ട​ർ, മേ​ക്ക​പ്പ് ആ​ർ​ട്ടി​സ്റ്റ് തു​ട​ങ്ങി​യ​വ​ർ താ​മ​സി​ക്കു​ന്ന സ്ഥ​ല​മാ​യി​രു​ന്നു അ​ത്. അ​വി​ചാ​രി​ത​മാ​യാ​ണ് എ​നി​ക്ക് ഡ​യ​റ​ക്ട​ർ ക​മ​ൽ സാ​റി​നെ പ​രി​ച​യ​പ്പെ​ടാ​ൻ അ​വ​സ​രം ല​ഭി​ച്ച​ത്. അ​താ​യി​രു​ന്നു ജീ​വി​ത​ത്തി​ലെ വ​ഴി​ത്തി​രി​വ്. സി​നി​മ എ​ന്താ​ണ്, എ​ങ്ങ​നെ​യാ​ണ് ഒ​രു സി​നി​മ ഉ​ണ്ടാ​കു​ന്ന​ത് എ​ന്ന​റി​യാ​നും പ​ഠി​ക്കാ​നും ആ​ഗ്ര​ഹ​മു​ണ്ടാ​യി. അ​ങ്ങ​നെ​യാ​ണ് ക​മ​ൽ സാ​റി​ന്‍റെ കൂ​ടെ പ്രാ​ദേ​ശി​ക​വാ​ർ​ത്ത​ക​ൾ എ​ന്ന സി​നി​മ​യി​ൽ അ​സി​സ്റ്റ​ന്‍റ് ഡ​യ​റ​ക്ട​റാ​യി വ​ർ​ക്ക് ചെ​യ്ത​ത്. കോ​ഴി​ക്കോ​ടാ​യി​രു​ന്നു സി​നി​മ​യു​ടെ ചി​ത്രീ​ക​ര​ണം. സി​നി​മ​യി​ൽ അ​സി​സ്റ്റ​ന്‍റ് ഡ​യ​റ​ക്ട​റാ​കു​ന്ന കാ​ര്യം വീ​ട്ടി​ൽ പ​റ​ഞ്ഞി​രു​ന്നി​ല്ല. ഷൂ​ട്ടി​ങ് ക​ഴി​ഞ്ഞ​തി​നു ശേ​ഷ​മാ​ണ് ഇ​ക്കാ​ര്യം ഞാ​ൻ വീ​ട്ടി​ൽ പ​റ​യു​ന്ന​ത്. പി​ന്നീ​ട്, ക​മ​ൽ സാ​റി​ന്‍റെ കൂ​ടെ ഒമ്പ​തു വ​ർ​ഷ​ത്തോ​ളം പ്ര​വ​ർ​ത്തി​ച്ചു. അ​സി​സ്റ്റ​ന്‍റ് ഡ​യ​റ​ക്ട​റു​ടെ ജോ​ലി വ​ലി​യ പ്ര​തി​ഫ​ല​മൊ​ന്നും കി​ട്ടു​ന്ന​താ​യി​രു​ന്നി​ല്ല. വ​ർ​ഷ​ത്തി​ൽ ര​ണ്ട് സി​നി​മ​യാ​ണ് ക​മ​ൽ സാ​ർ ചെ​യ്തി​രു​ന്ന​ത്. ഇ​തി​നി​ട​യി​ൽ വി​വാ​ഹം ക​ഴി​ഞ്ഞു. കോ​ട​മ്പാ​ക്ക​മെ​ന്നാ​ൽ എ​ടു​ത്തു​പ​റ​യേ​ണ്ട കാ​ര്യ​മി​ല്ല, സി​നി​മാ​ക്കാ​രു​ടെ താ​വ​ള​മാ​ണ്. ഒ​രു​പാ​ടു പേ​രു​ടെ ഉ​യ​ർ​ച്ച​യും താ​ഴ്ച​യും ഞാ​ൻ നേ​രി​ട്ടു ക​ണ്ടി​ട്ടു​ണ്ട്.

സി​നി​മ​യി​ലെ മാ​റ്റ​ങ്ങ​ൾ​ക്കൊ​പ്പം

ശ​രി​യാ​ണ്. സി​നി​മ​യി​ലെ മാ​റ്റ​ങ്ങ​ൾ​ക്കൊ​പ്പം സ​ഞ്ച​രി​ക്കാ​ൻ ക​ഴി​ഞ്ഞ വ്യ​ക്തി​യാ​ണ് ഞാ​ൻ. പ​ണ്ട് ഒ​രു സി​നി​മ​ പൂർത്തിയാകാൻ എ​ല്ലാ ജോ​ലി​ക​ളും ഉ​ൾ​പ്പെ​ടെ നാ​ലു മു​ത​ൽ അ​ഞ്ചു മാ​സം വ​രെ എ​ടു​ക്കു​മാ​യി​രു​ന്നു. സി​നി​മ അ​ന​ലോ​ഗി​ൽ നി​ന്ന് ഡി​ജി​റ്റ​ലി​ലേ​ക്ക് മാ​റി. ഡി​ജി​റ്റ​ലി​ൽ ത​ന്നെ നി​ര​വ​ധി സാ​ങ്കേ​തി​ക​ത​ക​ളു​ണ്ടാ​യി. ഓ​ഡി​യോ സൈ​ഡി​ലും വ​ലി​യ മാ​റ്റ​ങ്ങ​ൾ​ക്ക് സാ​ക്ഷ്യം വ​ഹി​ച്ച കാ​ല​ഘ​ട്ട​മാ​ണ് ന​മ്മ​ളു​ടേ​ത്. എ​നി​ക്കു കി​ട്ടി​യ ഭാ​ഗ്യം സി​നി​മ​യു​ടെ ആ​ദ്യ​കാ​ല സാ​ങ്കേ​തി​ക​വി​ദ്യ​യോ​ടൊ​പ്പം ആ​രം​ഭി​ച്ച യാ​ത്ര ഇ​പ്പോ​ഴും തു​ട​രു​ന്നു എ​ന്ന​താ​ണ്. ഓ​ഡി​യോ സൈ​ഡി​ലാ​ണെ​ങ്കി​ൽ ലൂ​ബ് സി​സ്റ്റ​ത്തി​ൽ വ​ർ​ക്ക് ചെ​യ്തി​ട്ടു​ണ്ട്. പി​ന്നീ​ട് ടേ​പ്പ് വ​ന്നു, അ​തി​ൽ വ​ർ​ക്ക് ചെ​യ്തു. 2സി ​ക്യാ​മ​റ ഉ​പ​യോ​ഗി​ക്കു​ന്ന കാ​ലം മു​ത​ൽ ഡി​ജി​റ്റ​ൽ ക്യാ​മ​റ ഉ​പ​യോ​ഗി​ക്കു​ന്ന ഇ​ക്കാ​ലം വ​രെ എ​ത്തി​നി​ൽ​ക്കു​ന്ന ച​ല​ച്ചി​ത്ര​യാ​ത്ര​ക​ൾ. സി​നി​മയു​ടെ ടോ​ട്ട​ൽ സ്വ​ഭാ​വ​ത്തി​നു ത​ന്നെ മാ​റ്റം വ​ന്നു. പ്ര​മേ​യം, ടെ​ക്നോ​ള​ജി, ടെ​ക്നീ​ഷ​ൻ​സ് എ​ല്ലാം മാ​റി. വ​ലി​യ ക്യാ​ൻ​വാ​സി​ലാ​യി​രു​ന്നു ന​മ്മു​ടെ സി​നി​മ​ക​ൾ ചെ​യ്തി​രു​ന്ന​ത്. എ​ന്നാ​ൽ, ഇ​പ്പോ​ൾ ചെ​റി​യ സി​നി​മ​ക​ളും അ​തി​ന്‍റേ​താ​യ വി​ജ​യം ക​ണ്ടെ​ത്തു​ന്നു​ണ്ട്.

എ​ന്താ​ണ് ആ ​'ലാ​ൽ ജോ​സ് മാ​ജി​ക്’

അ​ങ്ങ​നെ​യൊ​രു 'മാ​ജി​ക്’ ഇ​ല്ല. ഉ​ണ്ടാ​യി​രു​ന്നെ​ങ്കി​ൽ എ​ന്‍റെ എ​ല്ലാ സി​നി​മ​ക​ളും വി​ജ​യി​ക്ക​ണ​മ​ല്ലോ. പ​രാ​ജ​യ​പ്പെ​ട്ട സി​നി​മ​ക​ളും എ​ന്‍റെ ക​രി​യ​റി​ൽ ഉ​ണ്ടാ​യി​ട്ടു​ണ്ട്. എ​ന്നാ​ൽ, സി​നി​മ​ക​ളു​ടെ ചി​ത്രീ​ക​ര​ണം ആ​രം​ഭി​ക്കു​ന്ന വാ​ർ​ത്ത​ക​ൾ പു​റ​ത്തു​വ​രു​ന്ന സ​മ​യം മു​ത​ൽ പ്രേ​ക്ഷ​ക​ർ എ​ന്‍റെ സി​നി​മ​യെ ശ്ര​ദ്ധി​ക്കാ​റു​ണ്ട്. വ​ർ​ഷ​ങ്ങ​ൾ​നീ​ണ്ട സം​വി​ധാ​ന ജീ​വി​ത​ത്തി​നി​ട​യി​ൽ അ​ക്കാ​ര്യം ഞാ​ൻ മ​ന​സി​ലാ​ക്കി​യി​ട്ടു​ണ്ട്. ചി​ല​പ്പോ​ൾ, എ​ന്‍റെ പ​രാ​ജ​യ​ചി​ത്ര​ത്തി​നു ശേ​ഷം വ​രു​ന്ന സി​നി​മ​യാ​കാം. എ​ന്നാ​ലും എ​ന്താ​ണ് ലാ​ൽ ജോ​സി​ന്‍റെ പു​തി​യ സി​നി​മ എ​ന്ന് പ്രേ​ക്ഷ​ക​ർ നോ​ക്കു​ന്നു​ണ്ട്. തു​ട​ക്കം മു​ത​ൽ വ്യ​ത്യ​സ്ത​യ്ക്കു വേ​ണ്ടി ഞാ​ൻ ശ്ര​മി​ക്കാ​റു​ണ്ട്. വ്യ​ത്യ​സ്ത​മാ​യ, പൂ​ർ​വ​ഭാ​ര​മി​ല്ലാ​ത്ത ക​ഥ​ക​ൾ, കാ​സ്റ്റി​ങ്, ടെ​ക്നീ​ഷ്യ​ൻ​സ് തു​ട​ങ്ങി​ പു​തു​മ​യു​ള്ള​താ​കാ​ൻ ശ്ര​മം ന​ട​ത്താ​റു​ണ്ട്. പ​ഴ​യ കാ​ല​മ​ല്ല. പ്രേ​ക്ഷ​ക​രു​ടെ അ​ഭി​രു​ചി​യി​ലൊ​ക്കെ മാ​റ്റം വ​ന്നു​കൊ​ണ്ടി​രി​ക്കു​ന്നു. മാ​റ്റം എ​ല്ലാ​ക്കാ​ല​ത്തും ഉ​ണ്ടാ​യി​ട്ടു​ണ്ട്. പു​തി​യ മാ​റ്റ​ങ്ങ​ൾ​ക്കും വി​ഷ​യ​വൈ​വി​ധ്യ​ങ്ങ​ൾ​ക്കും വേ​ണ്ടി ശ്ര​മ​ങ്ങ​ൾ തു​ട​രു​ന്നു.

ജ​ന​പ്രി​യ സി​നി​മ​ക​ളും ര​സ​ക്കൂ​ട്ടും

പ​ല​രും പ​റ​യാ​റു​ണ്ട്, പ്രേ​ക്ഷ​ക​രു​ടെ പ​ൾ​സ് നോ​ക്കി ചെ​യ്ത സി​നി​മ​യാ​ണെ​ന്ന്. അ​ങ്ങ​നെ, പ്രേ​ക്ഷ​ക​രു​ടെ പ​ൾ​സ് മു​ൻ​കൂ​ട്ടി നി​ശ്ച​യി​ക്കാ​ൻ പ​റ്റു​മെ​ന്ന് വി​ശ്വ​സി​ക്കു​ന്നി​ല്ല. അ​ങ്ങ​നെ​യാ​ണെ​ങ്കി​ൽ എ​ല്ലാ സി​നി​മ​ക​ളും ഹി​റ്റ് ആ​ക​ണ​മ​ല്ലോ. ഞാ​ൻ എ​ന്‍റെ ഇ​ഷ്ട​ങ്ങ​ൾ നോ​ക്കി​യാ​ണ് വി​ഷ​യ​ങ്ങ​ൾ സ്വീ​ക​രി​ക്കു​ന്ന​ത്. ചി​ല​പ്പോ​ൾ അ​തു പ്രേ​ക്ഷ​ക​ർ സ്വീ​ക​രി​ക്കും. ചി​ല​പ്പോ​ൾ മ​റി​ച്ചു സം​ഭ​വി​ക്കും. എ​ന്‍റെ ഇ​ഷ്ട​വും പ്രേ​ക്ഷ​ക​രു​ടെ ഇ​ഷ്ട​വും ഒ​രേ രേ​ഖ​യി​ൽ വ​രുമ്പോ​​ഴാ​ണ് വി​ജ​യ​ങ്ങ​ൾ ഉ​ണ്ടാ​കു​ന്ന​ത്. പ​രാ​ജ​യ​പ്പെ​ട്ട സി​നി​മ​ക​ൾ മോ​ശ​മാ​ണെ​ന്ന് ക​രു​തു​ന്നി​ല്ല. സി​നി​മ​യു​ടെ വി​ഷ​യം അ​ക്കാ​ല​ത്തെ പ്രേ​ക്ഷ​ക​രു​ടെ ഇ​ഷ്ട​വു​മാ​യി ചേ​ർ​ന്നു​പോ​യി​ല്ല എ​ന്നു വേ​ണം ക​രു​താ​ൻ. എ​ല്ലാ സി​നി​മ​ക​ളെ​യും ഗൗ​ര​വ​ത്തോ​ടു​കൂ​ടി​യാ​ണു ക​ണ്ടി​ട്ടു​ള്ള​ത്.

ഗു​രു​വാ​യ ക​മ​ലി​നൊ​പ്പ​മു​ള്ള ച​ല​ച്ചി​ത്ര യാ​ത്ര​ക​ൾ

എ​ന്‍റെ സി​നി​മ​യി​ൽ വ​ർ​ക്ക് ചെ​യ്ത ആ​ർ​ട്ടി​സ്റ്റു​ക​ൾ പി​ന്നീ​ട്, ക​മ​ൽ സാ​റി​ന്‍റെ സി​നി​മ​ക​ളി​ൽ വ​ർ​ക്ക് ചെ​യ്ത ശേ​ഷം എ​ന്നെ കാ​ണു​മ്പോ​ൾ പ​റ​യാ​റു​ണ്ട്, എ​നി​ക്ക് ക​മ​ൽ സാ​റി​ന്‍റെ വ​ർ​ക്ക് പാ​റ്റേ​ണു​മാ​യി സാ​മ്യ​മു​ണ്ടെ​ന്ന്. പ്ര​ത്യ​ക്ഷ​ത്തി​ൽ എ​ന്‍റെ സി​നി​മ​ക​ളും ക​മ​ൽ സാ​റി​ന്‍റെ സി​നി​മ​ക​ളും ത​മ്മി​ൽ യാ​തൊ​രു​വി​ധ സാ​മ്യ​വു​മി​ല്ല. വ്യ​ത്യ​സ്ത സി​നി​മ​ക​ളും അ​പ്രോ​ച്ചു​മാ​ണ് ഞ​ങ്ങ​ൾ​ക്കു​ള്ള​ത്. എ​ന്നാ​ൽ, അ​ദ്ദേ​ഹ​ത്തി​ൽ നി​ന്നു കി​ട്ടി​യി​ട്ടു​ള്ള ബേ​സ്മെ​ന്‍റി​ൽ ത​ന്നെ​യാ​ണ് എ​ന്‍റെ ച​ല​ച്ചി​ത്ര കാ​ഴ്ച​പ്പാ​ടു​ക​ൾ ഉ​ണ്ടാ​യി​ട്ടു​ള്ള​ത്. ക​മ​ൽ സാ​റി​ന്‍റെ കൂ​ടെ മാ​ത്ര​മ​ല്ല, മ​റ്റു പ​ല​രു​ടെ​യും അ​സോ​സി​യേ​റ്റ് ഡ​യ​റ​ക്ട​റാ​യും പ്ര​വ​ർ​ത്തി​ച്ചി​ട്ടു​ണ്ട്. എ​ന്നാ​ൽ, സി​നി​മ​യെ സം​ബ​ന്ധി​ച്ചു​ള്ള പ്രാ​ഥ​മി​ക പാ​ഠ​ങ്ങ​ൾ ക​മ​ൽ സാ​ർ എ​ന്ന ഗു​രു​മു​ഖ​ത്തു നി​ന്നാ​ണ് പ​ഠി​ച്ചി​ട്ടു​ള്ള​ത്.

ശ്രീ​നി​യേ​ട്ട​ൻ വ​ലി​യ പാ​ഠ​പു​സ്ത​കം

ലോ​ഹി​യേ​ട്ട​ൻ (ലോ​ഹി​ത​ദാ​സ്) തി​ര​ക്ക​ഥ​യെ​ഴു​തി ഹ​രി​കു​മാ​ർ സാ​ർ സം​വി​ധാ​നം ചെ​യ്ത സി​നി​മ​യാ​ണ് 'ഉ​ദ്യാ​ന​പാ​ല​ക​ൻ' (1996). മ​മ്മൂ​ക്ക​യാ​ണ് ചി​ത്ര​ത്തി​ലെ നാ​യ​ക​ൻ. എ​ന്നെ സി​നി​മ​യി​ൽ അ​സോ​സി​യേ​റ്റ് ആ​യി റെ​ക്ക​മെ​ൻ​ഡ് ചെ​യ്ത​ത് മ​മ്മൂ​ക്ക​യാ​ണ്. സി​നി​മ​യു​ടെ ച​ർ​ച്ച​ക​ൾ ന​ട​ക്കു​മ്പോ​ൾ മ​മ്മൂ​ക്ക​യാ​ണ് എ​ന്നെ സ​ജ​സ്റ്റ് ചെ​യ്യു​ന്ന​ത്. ക​മ​ൽ സാ​റി​ന്‍റെ കൂ​ടെ ഒ​രു പ​യ്യ​നു​ണ്ട്, അ​വ​നെ അ​സോ​സി​യേ​റ്റ് ആ​യി വ​ച്ചാ​ൽ മ​തി ന​ന്നാ​യി​രി​ക്കും എ​ന്നാ​ണ് മ​മ്മൂ​ക്ക പ​റ​ഞ്ഞ​ത്. 'ഈ ​പു​ഴ​യും ക​ട​ന്ന്' എ​ന്ന സി​നി​മ​യു​ടെ വ​ർ​ക്ക് ന​ട​ക്കു​ന്ന സ​മ​യം കൂ​ടി​യാ​ണ്. ക​മ​ൽ സാ​റാ​ണ് എ​ന്നെ 'ഉ​ദ്യാ​ന​പാ​ല​ക​നി'​ൽ ജോ​യി​ൻ ചെ​യ്യാ​ൻ നി​ർ​ബ​ന്ധി​ച്ച​ത്. ലോ​ഹി​ത​ദാ​സി​ന്‍റെ സി​നി​മ​യി​ൽ വ​ർ​ക്ക് ചെ​യ്യ​ണം, അ​തൊ​രു പാ​ഠ​മാ​യി​രി​ക്കു​മെ​ന്നും ഞ​ങ്ങ​ൾ ത​മ്മി​ൽ ചി​ല സൗ​ന്ദ​ര്യ​പ്പി​ണ​ക്ക​ങ്ങ​ൾ ഉ​ണ്ട് അ​തെ​ല്ലാം മാ​റ​ട്ടെ​യെ​ന്നും ക​മ​ൽ സാ​ർ പ​റ​ഞ്ഞു. അ​ത്ത​ര​ത്തി​ൽ കാ​ഴ്ച​പ്പാ​ടു​ക​ൾ ഉ​ള്ള വ്യ​ക്തി​യാ​ണ് ക​മ​ൽ സാ​ർ.

ക​മ​ൽ ചി​ത്ര​ങ്ങ​ളാ​യ ച​മ്പ​ക്കു​ളം ത​ച്ച​ൻ, മ​ഴ​യെ​ത്തും മു​മ്പേ എ​ന്നീ സി​നി​മ​ക​ളു​ടെ സ്ക്രി​പ്റ്റി​ങ് പാ​റ്റേ​ണി​ന്‍റെ ഇ​ൻ​ഫ്ളു​വ​ൻ​സ് എ​ന്‍റെ സി​നി​മ​യി​ൽ ഉ​ണ്ടാ​യി​ട്ടു​ണ്ട്. ക​മ​ൽ സാ​റും ശ്രീ​നി​യേ​ട്ട​നും (ശ്രീ​നി​വാ​സ​ൻ) ത​മ്മി​ലു​ള്ള തി​ര​ക്ക​ഥാ​ച​ർ​ച്ച​ക​ളി​ൽ സ​ജീ​വ​മാ​യി ഇ​രു​ന്നി​ട്ടു​ണ്ട്. ശ്രീ​നി​യേ​ട്ട​നി​ൽ നി​ന്നു വി​ല​പ്പെ​ട്ട പാ​ഠ​ങ്ങ​ൾ സ്വാ​യ​ത്ത​മാ​ക്കി​യി​ട്ടു​ണ്ട്. ശ്രീ​നി​യേ​ട്ട​നെ​യും ഗു​രു​നാ​ഥ​ന്‍റെ സ്ഥാ​ന​ത്താ​ണു കാ​ണു​ന്ന​ത്.

ത​മ്പിക​ണ്ണ​ന്താ​നം, ലോ​ഹി​ത​ദാ​സ്, ഹ​രി​കു​മാ​ർ, വി​ന​യ​ൻ, കെ.​കെ. ഹ​രി​ദാ​സ് എ​ന്നി​വ​രോ​ടൊ​പ്പം

നി​സാ​​റി​ന്‍റെ 'സു​ദി​നം' എ​ന്ന സി​നി​മ​യാ​ണ് ആ​ദ്യ​മാ​യി ചെ​യ്ത​ത്. കെ.​കെ. ഹ​രി​ദാ​സ് ആ​യി​രു​ന്നു അ​തി​ന്‍റെ അ​സോ​സി​യേ​റ്റ്. ശ​ബ​രി​മ​ല യാ​ത്ര​യ്ക്ക് ഹ​രി​ദാ​സ് പോ​യ​തു​കൊ​ണ്ട് ഞാ​ൻ അ​സോ​സി​യേ​റ്റ് ആ​കു​ക​യാ​യി​രു​ന്നു. തമ്പി ക​ണ്ണ​ന്താ​ന​ത്തി​നൊ​പ്പം 'മാ​ന്ത്രി​കം' ചെ​യ്തു. ആ​ദ്യ​മാ​യി​ട്ടാ​യി​രു​ന്നു ആ​ക്ഷ​ൻ സി​നി​മ​യി​ൽ വ​ർ​ക്ക് ചെ​യ്യു​ന്ന​ത്. അ​തു​വ​രെ വ​ർ​ക്ക് ചെ​യ്ത സി​നി​മ​ക​ളി​ൽ നി​ന്നു അ​പ്പാ​ടെ വ്യ​ത്യ​സ്ത​മാ​യി​രു​ന്നു 'മാ​ന്ത്രി​കം'. സെ​റ്റു​ക​ളി​ലാ​യി​രു​ന്നു ചി​ത്രീ​ക​ര​ണം. മേ​ൽ​പ്പ​റ​ഞ്ഞ എ​ല്ലാ സം​വി​ധാ​യ​ക​രും ക​മ​ൽ സാ​റി​ന്‍റെ സ്കൂ​ളി​ൽ നി​ന്ന് ഏ​റെ വ്യ​ത്യ​സ്ത​മാ​ണ്. ക​മ​ൽ സാ​റി​ന്‍റെ സെ​റ്റ് വ​ലി​യ സ്ട്രി​ക്റ്റ് ആ​ണ്. എ​ന്നാ​ൽ ഇ​വ​രു​ടെ സെ​റ്റു​ക​ൾ റി​ലാ​ക്സ്ഡ് ആ​യി​രു​ന്നു. ക​മ​ൽ സാ​ർ വ​ള​രെ സൂ​ഷ്മ​ത പു​ല​ർ​ത്തി​യി​രു​ന്നു. എ​ന്നാ​ൽ ഇ​വ​ർ റി​ലാ​ക്സ്ഡ് ആ​യി വേ​ഗ​ത്തി​ൽ സി​നി​മ​ക​ൾ ചെ​യ്യു​ന്ന​വ​രാ​ണ്. അ​വ​രു​ടെ​യൊ​പ്പം ഓ​ടി​യെ​ത്തു​ക എ​ന്നു​ള്ള​ത് വെ​ല്ലു​വി​ളി​യാ​യി​രു​ന്നു.

'വ​ധു ഡോ​ക്ട​റാ​ണ്' എ​ന്ന സി​നി​മ​യി​ലാ​ണ് ഹ​രി​ദാ​സി​നൊ​പ്പം പ്ര​വ​ർ​ത്തി​ക്കു​ന്ന​ത്. സു​ഹൃ​ത്തു​ക്ക​ളെ​പ്പോ​ലെ​യാ​ണ് ഹ​രി​ദാ​സി​ന്‍റെ ഒ​പ്പം വ​ർ​ക്ക് ചെ​യ്ത​ത്. ഹ​രി​ദാ​സ് എ​ന്നെ​ക്കാ​ൾ സീ​നി​യ​റാ​യി​രു​ന്നു. ഹ​രി​ദാ​സി​ന്‍റെ ആ​ദ്യ സി​നി​മ വ​ൻ വി​ജ​യ​മാ​യി​രു​ന്നു. ജ​ന​ങ്ങ​ളെ ര​സി​പ്പി​ച്ച സം​വി​ധാ​യ​ക​രാ​യി​രു​ന്നു അ​വ​ർ.

മീ​ശ​മാ​ധ​വ​ൻ ദി​ന​ങ്ങ​ൾ

'മീ​ശ​മാ​ധ​വ​ൻ' സി​നി​മ​യു​ടെ ച​ർ​ച്ച​ക​ൾ ന​ട​ക്കുമ്പോ​ൾ ഞാ​നും സ്ക്രി​പ്റ്റ് റൈ​റ്റ​ർ ര​ഞ്ജ​ൻ പ്ര​മോ​ദും ത​ക​ർ​ന്ന അ​വ​സ്ഥ​യി​ലാ​യി​രു​ന്നു. ര​ണ്ടു വ​ർ​ഷ​ത്തോ​ളം ഹോം​വ​ർ​ക്ക് ചെ​യ്ത സി​നി​മ​യാ​യി​രു​ന്നു 'ര​ണ്ടാം ഭാ​വം'. വ​ലി​യ പ്ര​തീ​ക്ഷ​യോ​ടെ ചെ​യ്ത സി​നി​മ. എ​ന്നാ​ൽ, ചി​ത്രം പ​രാ​ജ​യ​മാ​യി​രു​ന്നു. അ​ങ്ങ​നെ​യൊ​രു സാ​ഹ​ച​ര്യ​ത്തി​ലാ​ണ് 'മീ​ശ​മാ​ധ​വ​നെ'​പ്പ​റ്റി ആ​ലോ​ച​ന തു​ട​ങ്ങു​ന്ന​ത്. ദി​ലീ​പി​ന്‍റെ ഡേ​റ്റ് കൈ​യി​ലു​ണ്ട്. ക​ഥ​യൊ​ന്നും ആ​ലോ​ച​ന​യി​ൽ വ​ന്നി​ട്ടേ​യി​ല്ല. അ​ങ്ങ​നെ ക​ഥ​യ്ക്കു വേ​ണ്ടി അ​ന്വേ​ഷ​ണ​ങ്ങ​ൾ ന​ട​ന്നു. യാ​ത്ര​ക​ൾ ചെ​യ്തു. ച​ർ​ച്ച​ക​ളു​ണ്ടാ​യി. അ​ങ്ങ​നെ​യൊ​രു സ​ന്ദ​ർ​ഭ​ത്തി​ൽ ഒ​രാ​ശ​യം കി​ട്ടി. മ​ല​പ്പു​റ​ത്തു​ള്ള ഒ​രു സു​ഹൃ​ത്ത് അ​ദ്ദേ​ഹ​ത്തി​ന്‍റെ നാ​ട്ടി​ലു​ള്ള ഒ​രു ക​ള്ള​ന്‍റെ ക​ഥ പ​റ​ഞ്ഞു. ക​ഥ പ​റ​ഞ്ഞു​തീ​ർ​ന്ന​പ്പോ​ൾ അ​ദ്ദേ​ഹ​ത്തി​ന്‍റെ ക​ണ്ണു​ക​ൾ നി​റ​ഞ്ഞി​രു​ന്നു. നാ​ട്ടു​കാ​ർ ആ ​ക​ള്ള​നെ അ​ത്ര​യ്ക്ക് സ്നേ​ഹി​ച്ചി​രു​ന്നു. ക​ള്ള​ന്‍റെ ഒ​പ്പം നി​ൽ​ക്കു​ന്ന നാ​ട്ടു​കാ​ർ. ആ ​ക​ഥ​യി​ൽ നി​ന്ന് ഒ​രു ചെ​റി​യ എ​ല​മെ​ന്‍റ് ആ​ണ് എ​ടു​ത്ത​ത്. ര​ഞ്ജ​ൻ അ​തി​ന്‍റെ ചി​ന്ത​ക​ളും എ​ഴു​ത്തും തു​ട​ങ്ങി.

ആ ​സ​മ​യ​ത്താ​ണ് സം​വി​ധാ​യ​ക​രാ​യ റാ​ഫി-​മെ​ക്കാ​ർ​ട്ടി​നി​ലെ റാ​ഫി​യെ കാ​ണു​ന്ന​ത്. 'ര​ണ്ടാം ഭാ​വം' എ​ന്ന സി​നി​മ​യ്ക്കു സം​ഭ​വി​ച്ച പ്ര​ശ്ന​ങ്ങ​ൾ റാ​ഫി ത​ന്‍റെ ആ​ങ്കി​ളി​ൽ നി​ന്നു പ​റ​ഞ്ഞു. റാ​ഫി ആ ​ക​ഥ ഇ​ങ്ങ​നെ പ​റ​യാ​മാ​യി​രു​ന്നു എ​ന്നൊ​രു പാ​റ്റേ​ണും പ​റ​ഞ്ഞു. അ​ങ്ങ​നെ​യാ​യി​രു​ന്നെ​ങ്കി​ൽ സി​നി​മ ചി​ല​പ്പോ​ൾ ഹി​റ്റ് ആ​കു​മാ​യി​രു​ന്നു​വെ​ന്ന് എ​നി​ക്കും തോ​ന്നി. അ​തി​നു​ശേ​ഷ​മാ​ണ് റാ​ഫി-​മെ​ക്കാ​ർ​ട്ടി​ൻ ടീ​മി​ന്‍റെ 'തെ​ങ്കാ​ശി​പ്പ​ട്ട​ണം' എ​ന്ന സി​നി​മ വ​രു​ന്ന​ത്. അ​വി​ശ്വ​സ​നീ​യ​മാ​യ ക​ഥ​യാ​ണ് 'തെ​ങ്കാ​ശി​പ്പ​ട്ട​ണ'​ത്തി​ന്‍റേ​ത്. ആ ​ക​ഥ എ​ങ്ങ​നെ വി​ശ്വ​സ​നീ​യ​മാ​യ രീ​തി​യി​ൽ എ​ടു​ത്തു എ​ന്നു​ള്ള​ത് വ​ലി​യ പാ​ഠ​മാ​യി എ​നി​ക്ക്. കു​ട്ടി​ക്കാ​ല​ത്തു തു​ട​ങ്ങി പെ​ട്ടെ​ന്നു ത​ന്നെ ക​ഥ​യി​ലേ​ക്കു ക​ട​ക്കു​ന്ന സി​നി​മ.

'തെ​ങ്കാ​ശി​പ്പ​ട്ട​ണം' ക​ണ്ട​തി​നു​ശേ​ഷം എ​ഴു​ത്തു​ന​ട​ക്കു​ന്ന സ്ഥ​ല​ത്തെ​ത്തി. 'മീ​ശ​മാ​ധ​വ'​ന്‍റെ 26-ാളം ​സീ​നി​ക​ൾ ര​ഞ്ജ​ൻ എ​ഴു​തി​യി​രു​ന്നു. കു​ന്നി​ന്‍റെ മു​ക​ളി​ൽ കു​റു​ക്ക​ൻ കൂ​വു​ന്നു.. പു​ര​പ്പു​റ​ത്തി​രു​ന്ന് മാ​ധ​വ​ൻ പ​ല്ലു തേ​യ്ക്കു​ന്നു.. തു​ട​ങ്ങി​യ സീനു​ക​ളി​ൽ നി​ന്നാ​ണ് 'മീ​ശ​മാ​ധ​വ​'ന്‍റെ തു​ട​ക്കം. വാ​യി​ച്ച ശേ​ഷം എ​ഴു​തി​വ​ച്ച സീ​നു​ക​ളി​ൽ പ​ത്തെ​ണ്ണം ഞാ​ൻ കീ​റി​ക്ക​ള​ഞ്ഞു. എ​ന്‍റെ പ്ര​വൃ​ത്തി ക​ണ്ട് ര​ഞ്ജ​ൻ ഷോ​ക്ക് അ​ടി​ച്ച പോ​ലെ​യാ​യി. പി​ന്നെ, ഞ​ങ്ങ​ൾ ച​ർ​ച്ച​ക​ൾ ന​ട​ത്തി ക​ഥ​യി​ൽ വ​ലി​യ മാ​റ്റ​ങ്ങ​ൾ വ​രു​ത്തി. തു​ട​ർ​ന്നാ​ണ് സി​നി​മ നാ​യ​ക​നാ​യ മാ​ധ​വ​ന്‍റെ കു​ട്ടി​ക്കാ​ലം മു​ത​ൽ ആ​രം​ഭി​ക്കു​ന്ന​ത്. അ​താ​ണ് ആ ​സി​നി​മ​യു​ടെ വി​ധി മാ​റ്റി​യ​ത്. അ​തു​കൊ​ണ്ടാ​ണ് 'മീ​ശ​മാ​ധ​വ​ൻ' വ​ലി​യ സ​ക്സ​സ് ആ​യ​ത്. ക​ള്ള​ന്‍റെ സൈ​ഡി​ൽ പ്രേ​ക്ഷ​ക​ർ നി​ന്ന​ത് കു​ട്ടി​ക്കാ​ലം വ​ർ​ക്ക് ചെ​യ്ത​തു കൊ​ണ്ടാ​ണ്.

ത​ക​ർ​ന്ന അ​വ​സ്ഥ​യി​ൽ നി​ന്ന് ഒ​രു സ​ക്സ​സ് ഉ​ണ്ടാ​ക്കു​ക എ​ന്ന പോ​രാ​ട്ട​മാ​ണ് 'മീ​ശ​മാ​ധ​വ​ൻ' സി​നി​മ. എ​ല്ലാ ചേ​രു​വ​ക​ളും കൃ​ത്യ​മാ​യി ചേ​ർ​ന്ന സി​നി​മ​യാ​ണ് 'മീ​ശ​മാ​ധ​വ​ൻ'. അ​തേ​സ​മ​യം, അ​തേ ടീം ​ത​ന്നെ ചെ​യ്ത സി​നി​മ​യാ​ണ് 'പ​ട്ടാ​ളം'. എ​ന്നാ​ൽ അ​ത് വ​ലി​യ സ​ക്സ​സ് ത​ന്നി​ല്ല. സി​നി​മ പ​രാ​ജ​യ​പ്പെ​ടു​മ്പോ​ൾ ന​മ്മ​ൾ വേ​ദ​നി​ക്കും. പ​രാ​ജ​യ​പ്പെ​ടു​ന്ന​തി​നേ​ക്കാ​ൾ അ​പ​ക​ട​മാ​ണ് ഒ​രു വ​ലി​യ വി​ജ​യ​മു​ണ്ടാ​കു​ന്ന​ത്. വി​ജ​യ​ത്തെ കൈ​കാ​ര്യം ചെ​യ്യാ​നാ​ണ് പ​രാ​ജ​യ​ത്തെ കൈ​കാ​ര്യം ചെ​യ്യു​ന്ന​തി​നേ​ക്കാ​ൾ ബു​ദ്ധി​മു​ട്ട്.

പു​തി​യ താ​ര​ങ്ങ​ളും അ​ണി​യ​റ​ക്കാ​രും

എ​ന്‍റെ എ​ല്ലാ സി​നി​മ​ക​ളി​ലും ഞാ​ൻ പു​തി​യ​വ​രെ ഉ​ൾ​പ്പെ​ടു​ത്താ​റു​ണ്ട്. 'മീ​ശ​മാ​ധ​വ​'ന്‍റെ നി​ർ​മാ​താ​ക്ക​ൾ പു​തി​യ കൂ​ട്ടു​കെ​ട്ടാ​യി​രു​ന്നു. എ​ന്‍റെ സ​ഹ​പാ​ഠി​യും പ്രി​യ​പ്പെ​ട്ട സു​ഹൃ​ത്തു​മാ​യ സു​ധീ​ഷും സു​ബൈ​റു​മാ​യി​രു​ന്നു നി​ർ​മാ​താ​ക്ക​ൾ. ഇ​രു​വ​രും ഇ​പ്പോ​ഴും മ​ല​യാ​ള സി​നി​മ​യി​ൽ സ​ജീ​വ​മാ​യി നി​ൽ​ക്കു​ന്ന നി​ർ​മാ​താ​ക്ക​ളാ​ണ്. ന​ടി ജ്യോ​തി​ർ​മ​യി, ഗാ​യി​ക റി​മി ടോ​മി, ആ​ർ​ട്ട് ഡ​യ​റ​ക്ട​ർ ജോ​സ​ഫ് നെ​ല്ലി​ക്ക​ൽ എ​ന്നി​വ​ർ​ക്കും 'മീ​ശ​മാ​ധ​വ​ൻ' തു​ട​ക്ക​മാ​യി​രു​ന്നു.

ദി​ലീ​പ്-ലാ​ൽ ജോ​സ് ജ​ന​പ്രി​യ കോമ്പോ

എ​ന്‍റെ ഏ​ഴു സി​നി​മ​ക​ളി​ൽ ദി​ലീ​പ് അ​ഭി​ന​യി​ച്ചി​ട്ടു​ണ്ട്. ക​മ​ൽ സാ​റി​ന്‍റെ ശി​ഷ്യ​ന്മാ​രാ​ണ് ഞ​ങ്ങ​ൾ, അ​ടു​ത്ത സു​ഹൃ​ത്തു​ക്ക​ളും. 'മീ​ശ​മാ​ധ​വ​നി​'ൽ അ​ഭി​ന​യി​ക്കു​ന്ന​തി​നു മു​മ്പുത​ന്നെ ദി​ലീ​പ് ജ​ന​പ്രി​യ താ​ര​മാ​യി​രു​ന്നു. 'സ​ല്ലാ​പം', 'ഈ ​പു​ഴ​യും ക​ട​ന്ന്', 'പ​റ​ക്കും ത​ളി​ക' തു​ട​ങ്ങി​യ ഹി​റ്റു​ക​ൾ 'മീ​ശ​മാ​ധ​വ​നു' മു​മ്പു​ള്ള​താ​ണ്. 'മീ​ശ​മാ​ധ​വ'​ന്‍റെ വ​ൻ വി​ജ​യ​ത്തി​നു ശേ​ഷ​മാ​ണ് മീ​ഡി​യ ദി​ലീ​പി​നെ സ്റ്റാ​ർ എ​ന്നു വി​ളി​ച്ച​ത്. ദി​ലീ​പി​നും എ​നി​ക്കും കി​ട്ടി​യ വി​ജ​യ​ത്തി​ന് തി​ള​ക്കം കൂ​ടു​ത​ലാ​യി​രു​ന്നു. ഞ​ങ്ങ​ൾ​ക്ക് പ​രാ​ജ​യ​വു​മു​ണ്ട്. പ​രാ​ജ​യ​ങ്ങ​ളെ മ​റ​യ്ക്കു​ന്ന​താ​യി​രു​ന്നു ഞ​ങ്ങ​ളു​ടെ കൂ​ട്ടു​കെ​ട്ടി​ലെ വി​ജ​യ​ചി​ത്ര​ങ്ങ​ൾ. ആ ​വി​ജ​യ​ങ്ങ​ൾ ര​ണ്ടു പേ​ർ​ക്കും ച​രി​ത്ര​ത്തി​ന്‍റെ താ​ളു​ക​ളി​ലെ​ഴു​താ​ൻ ക​ഴി​യു​ന്ന​താ​യി​രു​ന്നു.

പ്രി​യ​പ്പെ​ട്ട സി​നി​മ, അ​ച്ഛ​നു​റ​ങ്ങാ​ത്ത വീ​ട്

ഞാ​ൻ ചെ​യ്ത സി​നി​മ​ക​ളി​ൽ പ്രി​യ​പ്പെ​ട്ടതാ​ണ് 'അ​ച്ഛ​നു​റ​ങ്ങാ​ത്ത വീ​ട്'. ആ ​സി​നി​മ​യു​ടെ ക​ഥ ബാ​ബു ജ​നാ​ർ​ദ്ദ​ന​ൻ പ​റ​യു​മ്പോ​ൾ എ​ന്‍റെ ക​ണ്ണു​നി​റ​ഞ്ഞി​രു​ന്നു. ആ​രു​ടെ ജീ​വി​ത​ത്തി​ലും സം​ഭ​വി​ക്കാ​വു​ന്ന ഒ​രു ക​ഥ. 'അ​ച്ഛ​നു​റ​ങ്ങാ​ത്ത വീ​ട്' പ്രേ​ക്ഷ​ക​ർ​ക്കി​ട​യി​ൽ ച​ർ​ച്ച​യാ​യ സി​നി​മ​യാ​ണ്. നി​ര​വ​ധി പു​ര​സ്കാ​ര​ങ്ങ​ളും സിനിമ നേടി.

കു​ഞ്ചാ​ക്കോ ബോ​ബ​നും ലാ​ൽ​ജോ​സും

ചാ​ക്കോ​ച്ച​നും ഞാ​നും ത​മ്മി​ലു​ള്ള സൗ​ഹൃ​ദം ചെ​റി​യ പി​ണ​ക്ക​ത്തി​ൽ നി​ന്നാ​ണ് ഉ​ട​ലെ​ടു​ക്കു​ന്ന​ത്. 'ക്ലാ​സ്മേ​റ്റ്സ്' എ​ന്ന സി​നി​മ​യി​ൽ ന​രേ​ൻ ചെ​യ്തി​രു​ന്ന ക​ഥാ​പാ​ത്രം ആ​ദ്യം ചെ​യ്യാ​ൻ നി​ശ്ച​യി​ച്ചി​രു​ന്ന​ത് ചാ​ക്കോ​ച്ച​നെ​യാ​യി​രു​ന്നു. പ​ക്ഷേ, എ​ന്തൊ​ക്കെ​യോ കാ​ര​ണ​ങ്ങ​ൾ കൊ​ണ്ട് ചാ​ക്കോ​ച്ച​ൻ പി​ന്മാ​റു​ക​യാ​യി​രു​ന്നു. പി​ന്നീ​ട്, ഒ​രു വേ​ളാ​ങ്ക​ണ്ണി യാ​ത്ര​യി​ലാ​ണ് ഞ​ങ്ങ​ളു​ടെ സൗ​ഹൃ​ദ​മു​ണ്ടാ​കു​ന്ന​ത്. അ​തൊ​രു ഫാ​മി​ലി ട്രി​പ്പ് ആ​യി​രു​ന്നു. തി​ര​ക്ക​ഥാ​കൃ​ത്ത് ബെ​ന്നി പി. ​നാ​യ​ര​മ്പല​വും കു​ടും​ബ​വും ആ ​യാ​ത്ര​യി​ലു​ണ്ടാ​യി​രു​ന്നു. ആ ​സ​മ​യ​ത്ത് മ​റ്റ് പ​ട​ങ്ങ​ളൊ​ന്നും ക​മ്മി​റ്റ് ചെ​യ്യാ​തെ നി​ൽ​ക്കു​ന്ന സ​മ​യ​മാ​യി​രു​ന്നു. അ​തു​വ​രെ ചാ​ക്കോ​ച്ച​ൻ ചെ​യ്തി​രു​ന്ന​ത് ഒ​രേ അപ്പി​യ​റ​ൻ​സി​ൻ​സി​ലു​ള്ള ക​ഥാ​പാ​ത്ര​ങ്ങ​ളാ​യി​രു​ന്നു. ചാ​ക്കോ​ച്ച​ന് സ്വ​ന്തം മീ​ശ​യോ​ട് അ​മി​ത​മാ​യ താ​ത്പ​ര്യ​മു​ണ്ടാ​യി​രു​ന്നു. മീ​ശ​യാ​ണ് ത​ന്‍റെ അ​പ്പി​യ​റ​ൻ​സി​ന്‍റെ ഒ​രു പ്ര​ധാ​ന ആ​ക​ർ​ഷ​ണ​ഘ​ട​കം എ​ന്ന വി​ശ്വ​സി​ച്ചി​രു​ന്നു ചാ​ക്കോ​ച്ച​ൻ. ഞാ​ൻ പ​റ​ഞ്ഞു, മീ​ശ​യോ​ടു​ള്ള പ്ര​ണ​യം മാ​റ്റി വ​ച്ചാ​ൽ വ്യ​ത്യ​സ്ത​മാ​യ അ​പ്പി​യ​റ​ൻ​സി​ൽ ക​ഥാ​പാ​ത്ര​ങ്ങ​ൾ ചെ​യ്യാ​മെ​ന്ന്. എ​ന്തെ​ങ്കി​ലും മാ​റി ചെ​യ്യ​ണ​മെ​ങ്കി​ൽ മു​ഖ​ത്ത് വ്യ​ത്യാ​സ​ങ്ങ​ൾ ഉ​ണ്ടാ​ക​ണം. അ​ങ്ങ​നെ​യാ​ണ് 'ഗു​ലു​മാ​ൽ' എ​ന്ന ചി​ത്ര​ത്തി​ൽ മീ​ശ ട്രിം ​ചെ​യ്ത് ചാ​ക്കോ​ച്ച​ൻ അ​ഭി​ന​യി​ക്കു​ന്ന​ത്.

ചാ​ക്കോ​ച്ച​ൻ സം​വി​ധാ​യ​ക​ന്‍റെ ന​ട​നാ​ണ്. ക​ഥാ​പാ​ത്ര​ത്തി​നു വേ​ണ്ടി എ​ങ്ങ​നെ വേ​ണ​മെ​ങ്കി​ലും ചാ​ക്കോ​ച്ച​നെ ന​മു​ക്ക് ഉ​പ​യോ​ഗി​ക്കാം. പ്രൊ​ഫ​ഷ​ണ​ൽ ആ​ണ് ചാ​ക്കോ​ച്ച​ൻ. സെ​റ്റി​ൽ അ​ദ്ദേ​ഹ​ത്തി​ന്‍റെ കാ​ര്യ​ങ്ങ​ളെ​ല്ലാം കൃ​ത്യ​മാ​ണ്. ചാ​ക്കോ​ച്ച​ന്‍റെ കൂ​ടെ വ​ർ​ക്ക് ചെ​യ്യു​ക കൂ​ടു​ത​ൽ എ​ളു​പ്പ​മാ​ണ്.

ലാ​ലേ​ട്ട​നും മ​മ്മൂ​ക്ക​യും

ലാ​ലേ​ട്ട​ന്‍റെ​യൊ​പ്പം അ​സി​സ്റ്റ​ന്‍റ്, അ​സോ​സി​യേ​റ്റ് ഡ​യ​റ​ക്ട​ർ ആ​യി​രു​ന്ന​പ്പോ​ഴും വ​ർ​ക്ക് ചെ​യ്തി​ട്ടു​ണ്ട്. 'വി​ഷ്ണു​ലോ​ക'​മാ​ണ് ഞാ​ൻ ലാ​ലേ​ട്ട​ന്‍റെ​യൊ​പ്പം വ​ർ​ക്ക് ചെ​യ്യു​ന്ന ആ​ദ്യ​ചി​ത്രം. ഞാ​ൻ അ​സി​സ്റ്റ​ന്‍റ് ഡ​യ​റ​ക്ട​റാ​യി​രു​ന്നു. ദി​ലീ​പ് അ​സി​സ്റ്റ​ന്‍റാ​കു​ന്ന ആ​ദ്യ ചി​ത്ര​വു​മാ​യി​രു​ന്നു 'വി​ഷ്ണു​ലോ​കം'. ആ ​ചി​ത്ര​ത്തി​ന്‍റെ സെ​റ്റി​ൽ ലാ​ലേ​ട്ട​നെ കാ​ണാ​ൻ സി​ബി മ​ല​യി​ൽ സാ​ർ വ​ന്ന​പ്പോ​ൾ എ​ന്നെ​ക്കു​റി​ച്ച് ലാ​ലേ​ട്ട​ൻ ന​ല്ല അ​ഭി​പ്രാ​യ​മാ​ണ് സി​ബി സാ​റി​നോ​ടു പ​റ​ഞ്ഞ​ത്. പി​ന്നെ, ലാ​ലേ​ട്ട​ന്‍റെ സെ​റ്റ് എ​ന്നു പ​റ​യു​ന്ന​ത് ര​സ​ക​ര​മാ​ണ്. ത​മാ​ശ​ക​ളൊ​ക്കെ പ​റ​ഞ്ഞ് ലൈ​വ് ആ​യി​രി​ക്കും.

മ​മ്മൂ​ക്ക​യോ​ടൊ​പ്പം ആ​ദ്യം വ​ർ​ക്ക് ചെ​യ്യു​ന്ന​ത് 'മ​ഴ​യെ​ത്തു മു​മ്പേ' എ​ന്ന സി​നി​മ​യി​ലാ​ണ്. തു​ട​ർ​ന്ന് 'അ​ഴ​കി​യ രാ​വ​ണൻ​.' മ​മ്മൂ​ക്ക സീ​രി​യ​സ് ആ​യ വ്യ​ക്തി​യാ​ണ്. ഗൗ​ര​വ​ത്തോ​ടു​കൂ​ടി​യു​ള്ള ഡി​സ്റ്റ​ൻ​സ് ഉ​ണ്ടാ​കും ആ​ളു​ക​ളോ​ട്. ഞാ​ൻ പ​റ​ഞ്ഞ​ല്ലോ, 'ഉ​ദ്യാ​ന​പാ​ല​ക​നി​'ൽ എ​ന്നെ സ​ജ​സ്റ്റ് ചെ​യ്ത​ത് മ​മ്മൂ​ക്ക​യാ​ണെ​ന്ന്. ര​ണ്ടു പേ​ർ​ക്കും എ​ന്നി​ൽ വ​ലി​യ പ്ര​തീ​ക്ഷ​യു​ണ്ടാ​യി​രു​ന്നു. മ​മ്മൂ​ക്ക​യെ നാ​യ​ക​നാ​ക്കി​യാ​യി​രു​ന്നു എ​ന്‍റെ ആ​ദ്യ ചി​ത്രം 'മ​റ​വ​ത്തൂ​ർ ക​ന​വ്.' പി​ന്നീ​ട്, 19 വ​ർ​ഷ​ങ്ങ​ൾ​ക്കു ശേ​ഷ​മാ​ണ് ലാ​ലേ​ട്ട​നെ വ​ച്ച് 'വെ​ളി​പാ​ടി​ന്‍റെ പു​സ്ത​കം' എ​ന്ന സി​നി​മ ചെ​യ്യു​ന്ന​ത്.

പാ​ട്ടുകൾ ഹി​റ്റാ​കാ​ൻ കാ​ര​ണം

എ​ന്‍റെ സി​നി​മ​ക​ളി​ൽ ഹി​റ്റ് പാ​ട്ടു​ക​ളു​ണ്ടാ​കാ​ൻ കാ​ര​ണം എ​നി​ക്ക് സം​ഗീ​ത​മ​റി​യി​ല്ല എ​ന്ന​താ​ണ്. സം​ഗീ​ത​മ​റി​യാ​ത്ത​തു​കൊ​ണ്ട് മ്യൂ​സി​ക് ഡ​യ​റ​ക്ട​റോ​ട് ഭൂ​പാ​ള​ത്തി​ലൊ​ന്നു പി​ടി​ക്കൂ...​ന​മു​ക്ക് ക​ല്യാ​ണി​യി​ലൊ​ന്നു നോ​ക്കാം എ​ന്നൊ​ന്നും പ​റ​യാ​റി​ല്ല. ഞാ​ൻ സം​ഗീ​തം പ​ഠി​ച്ചി​ട്ടി​ല്ല. പ​ണ്ട് പ​ള്ളി ക്വ​യ​റി​ൽ ഗി​റ്റാ​ർ വാ​യി​ച്ചി​ട്ടു​ണ്ട് എ​ന്ന​ല്ലാ​തെ സം​ഗീ​ത​വു​മാ​യി ബ​ന്ധ​മി​ല്ല. മ്യൂ​സി​ക് ഡ​യ​റ​ക്ട​ർ​ക്ക് പൂ​ർ​ണ സ്വാ​ത​ന്ത്ര്യം കൊ​ടു​ക്കും. അ​പ്പോ​ൾ ഏ​റ്റ​വും മി​ക​ച്ച​ത് ന​ൽ​കി അ​വ​രെ​ന്നെ സ​ന്തോ​ഷി​പ്പി​ക്കാ​ൻ ശ്ര​മി​ക്കും. സി​റ്റു​വേ​ഷ​ൻ കൃ​ത്യ​മാ​യി സം​ഗീ​ത സം​വി​ധാ​യ​ക​നു പ​റ​ഞ്ഞു​കൊ​ടു​ക്കും.

വി​ദ്യാ​ജി (വി​ദ്യാ​സാ​ഗ​ർ) യോ​ടൊ​പ്പം കം​പോ​സി​ങ്ങി​നി​രി​ക്കു​ന്ന​ത് ഒ​ര​നു​ഭ​വ​മാ​ണ്. ഇ​ന്നു​വ​രെ ഒ​രു ട്യൂ​ണ്‍ പോ​ലും മോ​ശ​മാ​ണെ​ന്ന് ഞാ​ൻ വി​ദ്യാ​ജി​യോ​ടു പ​റ​ഞ്ഞി​ട്ടി​ല്ല. ഒ​രു സി​റ്റു​വേ​ഷ​ന് അ​ദ്ദേ​ഹം പ​ല ട്യൂ​ണു​ക​ൾ കേ​ൾ​പ്പി​ക്കും. ഞാ​ന​തു കേ​ട്ടി​രി​ക്കും. ഞാ​ൻ ന​ല്ല​താ​ണെ​ന്നോ ചീ​ത്ത​യാ​ണെ​ന്നോ പ​റ​യാ​റി​ല്ല. എ​ന്‍റെ മു​ഖ​ത്തു നോ​ക്കു​മ്പോ​ൾ വി​ദ്യാ​ജി​ക്ക് അ​റി​യാം ട്യൂ​ണ്‍ ഇ​ഷ്ട​പ്പെ​ട്ടോ... ഇ​ല്ല​യോ എ​ന്ന്. എ​ന്‍റെ എ​ല്ലാ മ്യൂ​സി​ക് ഡ​യ​റ​ക്ടേ​ഴ്സി​നൊ​പ്പ​വും ന​ല്ല ഓ​ർ​മ​ക​ളു​ണ്ട്. വി​ദ്യാ​ജി എ​ന്നെ കൃ​ത്യ​മാ​യി മ​ന​സി​ലാ​ക്കി​യ സം​ഗീ​ത സം​വി​ധാ​യ​ക​രി​ൽ ഒ​രാ​ളാ​ണ്. 'മ​റ​വ​ത്തൂ​ർ ക​ന​വി​'ലെ 'ക​രു​ണാ​മ​യ​നേ...' എ​ന്ന ക്രി​സ്ത്യ​ൻ ഭ​ക്തി​ഗാ​നം അ​തി​നു​ദാ​ഹ​ര​ണ​മാ​ണ്. വ​ർ​ഷ​ങ്ങ​ൾ​ക്കു ശേ​ഷം നാ​യ​ക​നും നാ​യി​ക​യും പ​ള്ളി​യി​ൽ പ്രാ​ർ​ത്ഥ​ന ന​ട​ക്കു​ന്ന​തി​നി​ട​യി​ൽ ക​ണ്ടു​മു​ട്ടു​ന്നു. അ​വ​രു​ടെ മ​ന​സി​ൽ ഓ​ർ​മ​ക​ൾ മി​ന്നി​മ​റി​യു​ന്നു. ക​ണ്ണു​ക​ളി​ൽ അ​തു കാ​ണാം. അ​വ​രു​ടെ ക​ണ്ണു​ക​ൾ ത​മ്മി​ൽ ഇ​ട​യു​ന്നു. ഇ​ത്ത​രം കാ​ര്യ​ങ്ങ​ൾ കം​പോ​സി​ങ് സ​മ​യ​ത്ത് ഞാ​ൻ വി​ദ്യാ​ജി​യോ​ടു പ​റ​ഞ്ഞി​രു​ന്നു. റെ​ക്കോ​ഡി​ങ് സ​മ​യ​ത്ത് ചെ​ന്നൈ​യി​ൽ എ​ത്തി​യ​പ്പോ​ൾ, പ്രാ​ർ​ത്ഥ​നാ​ഗാ​ന​ത്തി​ന് ചേ​രാ​ത്ത​രീ​തി​യി​ൽ വ്യ​ത്യ​സ്ത​മാ​യി, വ​യ​ലി​നൊ​ക്കെ ചേ​ർ​ത്ത് ഹെ​വി മ്യൂ​സി​ക് റെ​ക്കോ​ഡ് ചെ​യ്യു​ന്നു. ചോ​ദി​ച്ച​പ്പോ​ൾ കം​പോ​സി​ങ്ങി​ന്‍റെ സ​മ​യ​ത്ത് ഞാ​ൻ പ​റ​ഞ്ഞ​ത് ഓ​ർ​മി​പ്പി​ച്ചു. സീ​ൻ ചി​ത്രീ​ക​രി​ക്കു​മ്പോ​ൾ റൗ​ണ്ട് ട്രോ​ളി​യി​ട്ട് ഷൂ​ട്ട് ചെ​യ്യാ​മെ​ന്ന് വി​ദ്യാ​ജി പ​റ​ഞ്ഞു. അ​ത്ര​യ്ക്കും സൂ​ഷ്മ​മാ​യി വി​ദ്യാ​ജി കാ​ര്യ​ങ്ങ​ൾ മ​ന​സി​ലാ​ക്കും. ബി​ജി​പാ​ൽ ആ​ദ്യ​മാ​യി ചെ​യ്യു​ന്ന​ത് എ​ന്‍റെ സി​നി​മ​യാ​ണ്- 'അ​റ​ബി​ക്ക​ഥ'. ബി​ജി​യോ​ടൊ​പ്പ​വും ന​ല്ല പാ​ട്ടു​ക​ൾ ചെ​യ്തി​ട്ടു​ണ്ട്. സം​ഗീ​ത സം​വി​ധാ​യ​ക​ർ​ക്ക് അ​റി​യാം ഏ​റ്റ​വും മി​ക​ച്ച​തി​നു മാ​ത്ര​മേ എ​ന്നെ സ​ന്തോ​ഷി​പ്പി​ക്കാ​ൻ ക​ഴി​യൂ എ​ന്ന്. അ​തു​കൊ​ണ്ട് അ​വ​ർ ഏ​റ്റ​വും മി​ക​ച്ച​ത് എ​നി​ക്കു ത​രു​ന്നു.

നടനായപ്പോൾ

പ്രൊ​ഡ്യൂ​സ​ർ, ഡി​സ്ട്രി​ബ്യൂ​ട്ട​ർ, ആ​ക്ട​ർ എ​ന്നി​ങ്ങ​നെ പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും എ​ന്നും സം​വി​ധാ​യ​ക​ൻ മാ​ത്ര​മാ​യി​രി​ക്കാ​ൻ ആ​ഗ്ര​ഹി​ക്കു​ന്ന ആ​ളാ​ണ് ഞാ​ൻ. അ​താ​ണ് എ​ന്‍റെ ജോ​ലി​യെ​ന്ന് ഞാ​ൻ വി​ശ്വ​സി​ക്കു​ന്നു. ന​ട​ന​ല്ല ഞാ​ൻ, മോ​ഹം കൊ​ണ്ട് അ​ഭി​ന​യി​ക്കു​ന്ന​ത​ല്ലേ. നി​ത്യാ​ഭ്യാ​സി ആ​ന​യെ എ​ടു​ക്കും എ​ന്നു പ​റ​യു​ന്ന​തു​പോ​ലെ വ​ർ​ഷ​ങ്ങ​ളു​ടെ പ​രി​ച​യം കൊ​ണ്ടു​ള്ള അ​ഭി​ന​യ​മ​ല്ലേ... (ചി​രി​ക്കു​ന്നു)

പുതിയ തലമുറയെക്കുറിച്ച്

എ​ല്ലാ സി​നി​മ​ക​ളും കാ​ണു​ന്ന ആ​ളാ​ണ്. പു​തി​യ ആ​ളു​ക​ളു​ടെ സി​നി​മ വി​ട്ടു​പോ​കാ​തെ കാ​ണാ​ൻ ശ്ര​മി​ക്കാ​റു​ണ്ട്. പു​തി​യ സാ​ങ്കേ​തി​ക​വി​ദ്യ​ക​ൾ പ​ഠി​ക്കാ​നും സി​നി​മ​യി​ൽ ഉ​പ​യോ​ഗി​ക്കാ​നും എ​ന്നും ശ്ര​മി​ക്കു​ന്ന ആ​ളാ​ണ് ഞാ​ൻ. പു​തി​യ സി​നി​മ​ക​ളു​ടെ അ​പ്രോ​ച്ചി​ൽ മാ​റ്റം വ​ന്നി​ട്ടു​ണ്ട്. ആ​റ്റി​റ്റ്യൂ​ഡി​ലും മാ​റ്റ​ങ്ങ​ൾ കാ​ണാം. സ​ബ്ജ​ക്ടി​ൽ വ​ലി​യ മാ​റ്റ​ങ്ങ​ൾ വ​ന്നി​ട്ടി​ല്ല. പ്ര​തീ​ക്ഷ​യു​ള്ള​വ​ർ പു​തി​യ ത​ല​മു​റ​യി​ലു​ണ്ട്. 1960-ക​ളു​ടെ അ​വ​സാ​ന​ത്തി​ൽ ജ​നി​ച്ച ത​ല​മു​റ​യാ​ണ് എ​ന്‍റേ​ത്. ടെ​ലി​വി​ഷ​ൻ വ​രു​ന്ന​തി​നു മുമ്പു​ള്ള ത​ല​മു​റ​യാ​ണ്. ഞ​ങ്ങ​ളു​ടെ കു​ട്ടി​ക്കാ​ല​ത്ത് ടി.​വി ഇ​ല്ലാ​യി​രു​ന്നു. റേ​ഡി​യോ മാ​ത്ര​മാ​ണ് ഉ​ണ്ടാ​യി​രു​ന്ന​ത്. പി​ന്നീ​ട്, ബ്ലാ​ക്ക് ആ​ൻ​ഡ് വൈ​റ്റ് ടി.​വി വ​രു​ന്നു. തു​ട​ർ​ന്ന് ക​ള​ർ ടി.​വി വ​രു​ന്നു. പി​ന്നീ​ട് വി.​സി.​ആ​ർ വ​ന്നു, ലാ​ൻ​ഡ് ഫോ​ണ്‍ വ​ന്നു. പേ​ജ​ർ വ​ന്നു, മൊ​ബൈ​ൽ വ​ന്നു, സ്മാ​ർ​ട്ട് ഫോ​ണ്‍ വ​ന്നു. സി.​ഡി​യി​ൽ നി​ന്ന് പെ​ൻ​ഡ്രൈ​വി​ലേ​ക്ക് മാ​റി. അ​ങ്ങ​നെ​യ​ങ്ങ​നെ.. എ​ന്തെ​ല്ലാം മാ​റ്റ​ങ്ങ​ൾ.

സി​നി​മ​യു​ടെ സാ​ങ്കേ​തി​വി​ദ്യ​യി​ലും വി​പ്ല​വ​ക​ര​മാ​യ മാ​റ്റ​ങ്ങ​ളാ​ണ് സം​ഭ​വി​ച്ചു​കൊ​ണ്ടി​രി​ക്കു​ന്ന​ത്. ദി​നം​പ്ര​തി പു​തി​യ മാ​റ്റ​ങ്ങ​ൾ വ​രു​ന്നു.

ഒ​രു വീ​ട്ടി​ൽ റേ​ഡി​യോ വ​ച്ച് എ​ല്ലാ​വ​രും ഒ​ന്നി​ച്ച് പാ​ട്ടു കേ​ൾ​ക്കു​ന്ന രീ​തി മാ​റി, ഒ​രു വീ​ട്ടി​ൽ ഹെ​ഡ്ഫോ​ണ്‍ വ​ച്ച് കു​ടും​ബാം​ഗ​ങ്ങ​ൾ വി​വി​ധ പാ​ട്ടു​ക​ൾ കേ​ൾ​ക്കു​ന്ന രീ​തി​യി​ലേ​ക്ക് മാ​റി​യി​രി​ക്കു​ന്നു. അ​വ​ന​വ​നി​ലേ​ക്കു ചു​രു​ങ്ങു​ന്ന​താ​യി തോ​ന്നും. ടെ​ക്നോ​ള​ജി വ​രു​ത്തി​യ മാ​റ്റം മ​നു​ഷ്യ​രു​ടെ അ​പ്രോ​ച്ചി​ലും ആ​റ്റി​റ്റ്യൂ​ഡി​ലും സം​ഭ​വി​ച്ചി​ട്ടു​ണ്ട്. ഇ​വ​ർ​ക്കി​ട​യി​ലേ​ക്ക് വൈ​വി​ധ്യ​മാ​ർ​ന്ന വി​ഷ​യ​ങ്ങ​ൾ ഉ​ൾ​ക്കൊ​ള്ളു​ന്ന സി​നി​മ​യാ​ണ് ന​മു​ക്ക് ചെ​യ്യാ​ൻ ക​ഴി​യു​ക.