'ടൂ പീസ് ധരിക്കണം എന്നായിരുന്നു അവരുടെ ആ​ഗ്രഹം..'

മ​ല​യാ​ളി​ക​ൾ​ക്കും പ്രി​യ​പ്പെ​ട്ട ബോ​ളി​വു​ഡ് സം​വി​ധാ​യ​ക​നാ​ണ് ശ​ക്തി സാ​മ​ന്ത. ആ​രാ​ധ​ന, അ​മ​ർ പ്രേം ​എന്നിവ മ​ല​യാ​ള​ക്ക​ര​യും കീ​ഴ​ട​ക്കി​യ ചി​ത്ര​മാ​ണ്. അ​ദ്ദേ​ഹ​ത്തി​ന്‍റെ ക​രി​യ​റി​ലെ ഏ​റ്റ​വും ശ്ര​ദ്ധേ​യ​മാ​യ ചി​ത്ര​ങ്ങ​ളി​ലൊ​ന്നാ​യി​രു​ന്നു ഷ​മ്മി ക​പൂ​റും ഷ​ർ​മി​ള ടാ​ഗോ​റും ഒ​ന്നി​ച്ച 'ആ​ൻ ഈ​വ​നിങ് ഇ​ൻ പാ​രി​സ്'. ചി​ത്ര​ത്തി​ലെ പാ​ട്ടു​ക​ൾ ഇ​ന്നും പ്രേ​ക്ഷ​ക​ർ​ക്കു പ്രി​യ​പ്പെ​ട്ട​താ​ണ്. എ​ന്നാ​ൽ പ​തി​റ്റാ​ണ്ടു​ക​ൾ​ക്കു ശേഷം ചി​ത്ര​ത്തി​ന്‍റെ അ​ണി​യ​റ വി​ശേ​ഷ​ങ്ങ​ൾ പ​ങ്കുവയ്​ക്കു​ക​യാ​ണ് ശക്തി സാ​മ​ന്ത​യു​ടെ മ​ക​ൻ അ​ഷിം സാ​മ​ന്ത.

'അ​റു​പ​തു​ക​ളി​ൽ ഒ​രു ന​ടി സ്വിം​സ്യൂ​ട്ട് ധ​രി​ക്കു​ക എ​ന്ന​ത് ചി​ന്തി​ക്കാ​ൻ പോ​ലും പ്ര​യാ​സ​മു​ള്ള കാ​ര്യ​മാ​യി​രു​ന്നു. എ​ന്നാ​ൽ ശ​ർ​മി​ള ടാ​ഗോ​ർ അ​ന്നു തി​ക​ച്ചും വ്യ​ത്യ​സ്ത ചി​ന്താ​ഗ​തി​ക്കാ​രി​യാ​യി​രു​ന്നു'- അ​ഷിം ഓ​ർ​ക്കു​ന്നു. യ​ഥാ​ർഥ​ത്തി​ൽ ചി​ത്ര​ത്തി​ൽ 'ടൂ പീസ്' ‌ധ​രി​ക്കാ​നാ​ണ് ഷ​ർ​മി​ള ആ​ഗ്ര​ഹി​ച്ച​ത്. എ​ന്നാ​ൽ എന്റെ അ​ച്ഛ​നാ​ണ് അ​ത് വേ​ണ്ടെ​ന്നും വ​ൺ​പീ​സ് സ്വിം​സ്യൂ​ട്ട് മ​തി​യെ​ന്നും നി​ർ​ദ്ദേ​ശി​ച്ച​ത്. തന്‍റെ ശ​രീ​ര​ഭം​ഗി​യി​ൽ അ​വ​ർ​ക്ക് വ​ലി​യ ആ​ത്മ​വി​ശ്വാ​സ​മു​ണ്ടാ​യി​രു​ന്നു. തി​ക​ച്ചും ആ​ധു​നി​ക​മാ​യ ചി​ന്താ​ഗ​തി​യു​ള്ള ഒ​രാ​ളാ​യി​രു​ന്നു അ​വ​ർ-' അ​ഷിം സാ​മ​ന്ത പ​റ​ഞ്ഞു. സെ​ൻ​സ​ർ ബോ​ർ​ഡ് പ്ര​ശ്ന​മു​ണ്ടാ​ക്കു​മെ​ന്ന് ക​രു​തി​യാണ് ശ​ക്തി ബി​ക്കി​നി വേ​ണ്ടെ​ന്നു തീരുമാനിച്ചത്. സി​നി​മ ക​ണ്ടു ക​ഴി​ഞ്ഞ​പ്പോ​ൾ അ​ച്ഛന്‍റെ തീ​രു​മാ​നം ശ​രി​യാ​യി​രു​ന്നു എ​ന്ന് അ​വ​ർ​ക്ക് ബോ​ധ്യ​പ്പെ​ട്ട​താ​യും അ​ഷിം വെ​ളി​പ്പെ​ടു​ത്തി.

ഇന്ത്യൻ ചലച്ചിത്രലോകത്ത് ധീരമായ മാറ്റങ്ങൾക്കു തുടക്കമിട്ട നടിയാണ് ഷർമിള ടാഗോർ. 1960-കളിൽ അവർ എടുത്ത ചില തീരുമാനങ്ങൾ അക്കാലത്തെ ചലച്ചിത്ര ലോകത്തെയും സമൂഹത്തെയും ഒരുപോലെ അമ്പരപ്പിച്ചിരുന്നു. ഹിന്ദി സിനിമയിലെ ഒരു നടി ആദ്യമായി ബിക്കിനി ധരിച്ച് പ്രത്യക്ഷപ്പെട്ടത് 1966-ലെ ഫിലിംഫെയർ മാഗസിന്‍റെ കവർ ഫോട്ടോയ്ക്ക് വേണ്ടിയായിരുന്നു, ഷർമിള ടാഗോർ ആയിരുന്നു ആ നടി! ഇക്കാലത്ത് സാധാരണമായി തോന്നാമെങ്കിലും, അറുപതുകളിൽ ഇത് വലിയൊരു വിവാദത്തിന് തിരികൊളുത്തി. യാഥാസ്ഥിതികരായ പലരും ഇതിനെ വിമർശിച്ചപ്പോൾ, തന്‍റെ ആധുനികമായ കാഴ്ചപ്പാടിൽ ഉറച്ചുനിൽക്കുകയാണ് അവർ ചെയ്തത്.