പ്രഭാസിന്റെ രാജാസാബ് മൂന്നരമണിക്കൂർ; ടീസർ ഏറ്റെടുത്ത് ആരാധകർ

പ്ര​ഭാ​സി​നെ നാ​യ​ക​നാ​ക്കി മാ​രു​തി സം​വി​ധാ​നം ചെ​യ്യു​ന്ന പാ​ൻ ഇ​ന്ത്യ​ൻ ചി​ത്ര​മാ​യ ‘ദി ​രാ​ജാ സാ​ബ് തീയറ്ററിൽ മൂന്നരമണിക്കൂർ ആവേശംതീർക്കും. ചിത്രത്തിന്‍റെ ടീസർ ആരാധകർ ആഘോഷമാക്കിയതിനു പിന്നാലെ സംവിധായകൻ തന്നെയാണ് സിനിമയുടെ ദൈർഘ്യത്തെക്കുറിച്ചുള്ള വിവരം പുറത്തുവിട്ടത്. മ​ല​യാ​ളം, തെ​ലു​ങ്ക്, ത​മി​ഴ്, ഹി​ന്ദി, ക​ന്ന​ഡ തു​ട​ങ്ങി അ​ഞ്ച് ഭാ​ഷ​ക​ളി​ലാ​ണ് ചി​ത്രം പ്ര​ദ​ർ​ശ​ന​ത്തി​നെ​ത്തു​ന്ന​ത്.

ഇം​ഗ്ലീ​ഷി​ൽ ചി​ത്രം പ്ര​ദ​ർ​ശി​പ്പി​ക്കാ​ത്ത​ത് എ​ന്തു​കൊ​ണ്ടാ​ണെ​ന്ന ചോ​ദ്യം ഉ​യ​ർ​ന്നി​രു​ന്നു. ഇ​തി​ന് മ​റു​പ​ടി​യാ​യാണ്, ചി​ത്ര​ത്തി​ന്‍റെ ദൈ​ർ​ഘ്യം മൂന്നര മണിക്കൂറാണെന്ന് സം​വി​ധാ​യ​ക​ൻ മാ​രു​തി വെളിപ്പെടുത്തിയത്. ‘അ​നി​മ​ൽ’, ‘ആ​ർ​ആ​ർ​ആ​ർ’ തു​ട​ങ്ങി​യ ചി​ത്ര​ങ്ങ​ളും മൂ​ന്ന് മ​ണി​ക്കൂ​റി​ൽ കൂ​ടു​ത​ലുണ്ടാ​യി​രു​ന്നു. എന്നിട്ടും ഈ ​ര​ണ്ടു സി​നി​മ​ക​ളും തീ​യേ​റ്റ​റു​ക​ളി​ൽ വ​ൻ വി​ജ​യ​മാ​യി​രു​ന്നു. അ​തു​കൊ​ണ്ട് ത​ന്നെ ഈ ​പ്ര​ഭാ​സ് ചി​ത്ര​ത്തി​നാ​യി ഏ​റെ പ്ര​തീ​ക്ഷ​യോ​ടെ​യാ​ണ് പ്രേ​ക്ഷ​ക​ർ കാ​ത്തി​രി​ക്കു​ന്ന​ത്.

രാജാസാബ് ഒ​രു റൊ​മാന്‍റിക്– ഹൊ​റ​ർ എന്‍റ​ർ​ടെ​യ്‌​ന​റാ​ണ്. പ്ര​ഭാ​സിന്‍റെ ക​രി​യ​റി​ലെ ത​ന്നെ ആ​ദ്യ​ത്തെ ഹൊ​റ​ർ ചി​ത്ര​മാ​ണി​ത്. ചിത്രം ഡി​സം​ബ​ർ അ​ഞ്ചി​ന് തി​യേ​റ്റ​റു​ക​ളി​ൽ എ​ത്തും. ഏ​ക​ദേ​ശം രണ്ടുമിനിട്ട് 18 സെ​ക്ക​ൻ​ഡ് ദൈ​ർ​ഘ്യ​മു​ള്ള ടീ​സ​റാ​ണ് ക​ഴി​ഞ്ഞ ദി​വ​സം പു​റ​ത്തുവിട്ടത്. ബോളിവുഡ് സൂപ്പർ താരം സഞ്ജയ് ദത്തും ചിത്രത്തിൽ പ്രധാനവേഷത്തിലെത്തുന്നു. മ​ല​യാ​ളി താ​രം മാ​ള​വി​ക മോ​ഹ​ന​ൻ, നി​ധി അ​ഗ​ർ​വാ​ൾ, റി​ദ്ധി കു​മാ​ർ എ​ന്നി​വ​രും ചിത്രത്തിലുണ്ട്. മാ​ള​വി​ക​യു​ടെ ആ​ദ്യ തെ​ലു​ങ്ക് ചി​ത്ര​മാ​ണി​ത്.

ഇ​ട​തൂ​ർ​ന്ന വ​ന​ത്തി​നി​ട​യി​ലെ നി​ഗൂ​ഢ​വും മ​നോ​ഹ​ര​വു​മാ​യ ദൃ​ശ്യ​ങ്ങ​ളി​ലൂ​ടെ​യാ​ണ് ടീ​സ​ർ വീ​ഡി​യോ ആ​രം​ഭി​ക്കു​ന്ന​ത്. പ​ശ്ചാ​ത്ത​ല​ത്തി​ൽ ഉ​ഗ്ര​ശ​ബ്ദ​ത്തി​ലു​ള്ള വോ​യ്‌​സ്‌​ഓ​വ​ർ കേ​ൾ​ക്കാം. 'ഈ ​വീ​ട് എ​ന്‍റെ ശ​രീ​ര​മാ​ണ്. ഈ ​സ​മ്പ​ത്ത് എ​ന്‍റെ ജീ​വി​തം ത​ന്നെ​യാ​ണ്. ഞാ​ൻ പോ​യ​തി​നു​ശേ​ഷ​വും ഇ​ത് അ​നു​ഭ​വി​ക്കാ​ൻ പോ​കു​ന്ന​തും ഞാ​ൻ മാ​ത്ര​മാ​ണ്...' ചി​രി​യും, ഭ​യ​പ്പെ​ടു​ത്തു​ന്ന നി​മി​ഷ​ങ്ങ​ളും നി​റ​ഞ്ഞ യാ​ത്ര​യാ​ണ് തു​ട​ർ​ന്നു​ള്ള​ത്. ഒ​രു രം​ഗ​ത്തി​ൽ, പ്ര​ഭാ​സ് ര​ണ്ട് കൈ​ക​ളും ഉ​പ​യോ​ഗി​ച്ച് ക​ത്തു​ന്ന ക​യ​റു​ക​ളി​ൽ ആ​ടു​ന്ന​ത് കാ​ണാം.

പൂ​ർ​വി​ക​സ്വ​ത്തു​തേ​ടി ഹ​വേ​ലി​യി​ലേ​ക്കു പ്ര​വേ​ശി​ച്ച​തി​നെ​ത്തു​ട​ർ​ന്ന് നാ​യ​ക​ന്‍റെ ജീ​വി​തം മാ​റി​മ​റി​യു​ന്നു. തു​ട​ർ​ന്നു ന​ട​ക്കു​ന്ന അ​മാ​നു​ഷി​ക​ശ​ക്തി​യു​മാ​യു​ള്ള പ്ര​ഭാ​സി​ന്‍റെ ഏ​റ്റു​മു​ട്ട​ൽ ആ​രാ​ധ​ക​ർ​ക്കു​ള്ള ദൃ​ശ്യ​വി​രു​ന്നാ​യി​രി​ക്കും. 'രാ​ജാ സാ​ബി'​ന്‍റെ ടീ​സ​ർ ഓ​ൺ​ലൈ​നി​ൽ ചോ​ർ​ന്ന​താ​യി റി​പ്പോ​ർ​ട്ടു​ണ്ടായിരുന്നു. തൊ​ട്ടു​പി​ന്നാ​ലെ, നി​ർ​മാ​താ​ക്ക​ൾ വി​ഷ​യ​ത്തി​ൽ പ്ര​സ്താ​വ​ന പു​റ​ത്തി​റ​ക്കി​. 'രാ​ജാ സാ​ബി'​ൽ​നി​ന്നുള്ള എന്തെങ്കിലും ഉ​ള്ള​ട​ക്കം ക​ണ്ടെ​ത്തി​യാ​ൽ ക​ർ​ശ​ന ന​ട​പ​ടി​യെ​ടു​ക്കു​മെ​ന്ന് അവർ വ്യക്തമാക്കി. ​പീ​പ്പി​ൾ മീ​ഡി​യ ഫാ​ക്ട​റി​യു​ടെ ബാ​ന​റി​ൽ ടി.​ജി. വി​ശ്വപ്ര​സാ​ദ് ആണ് ചിത്രം നിർമിച്ചത്.