രണ്‍ബീര്‍ കപുര്‍ ഫോട്ടോ-അറേഞ്ച്ഡ്
Telugu

പ്രഭാസ് ചിത്രത്തില്‍ രണ്‍ബീര്‍ കപുര്‍ അതിഥി വേഷത്തില്‍

പപ്പപ്പ റിപ്പോര്‍ട്ടര്‍

ആരാധകര്‍ ആവേശത്തോടെ കാത്തിരിക്കുന്ന ചിത്രമാണ് സൂപ്പര്‍താരം പ്രഭാസും സംവിധായകന്‍ സന്ദീപ് റെഡ്ഡി വാം​ഗയും ഒന്നിക്കുന്ന 'സ്പിരിറ്റ്'. ഇപ്പോള്‍ ബിഗ്ബജറ്റ് ചിത്രത്തെക്കുറിച്ചുള്ള പുതിയ വാര്‍ത്തയാണ് ചലച്ചിത്രലോകത്ത് തരംഗമായി മാറിയത്. ബോളിവുഡ് സൂപ്പര്‍സ്റ്റാര്‍ രണ്‍ബീര്‍ കപുര്‍ ചിത്രത്തില്‍ അതിഥിവേഷത്തില്‍ എത്തുമെന്നാണ് റിപ്പോര്‍ട്ട്. അതിഥിവേഷമാണെങ്കിലും ചിത്രത്തില്‍ വലിയ പ്രാധാന്യമുള്ള കഥാപാത്രമാകും രണ്‍ബീര്‍ കൈകാര്യം ചെയ്യുക എന്നാണ് അണിയറക്കാര്‍ പുറത്തുവിടുന്ന വിവരം.

ഇതോടെ, ഇന്ത്യന്‍ വാണിജ്യസിനിമയിലെ താരമൂല്യമുള്ള രണ്ട് അതികായരുടെ ചിത്രമായി മാറും 'സ്പിരിറ്റ്'. ചിത്രത്തിന്റെ പൂജ നവംബര്‍ 23ന് ആയിരുന്നു. പ്രൗഢഗംഭീരമായ ചടങ്ങില്‍ ചിരഞ്ജീവി ആയിരുന്നു മുഖ്യാതിഥി. എന്നാല്‍, പൂജയിലും ചിത്രീകരണത്തുടക്കത്തിലും പ്രഭാസും രണ്‍ബീര്‍ കപുറും പങ്കെടുത്തിരുന്നില്ല. ദീപിക പദുകോണ്‍ നായികയാകുമെന്ന് ആദ്യം റിപ്പോര്‍ട്ടുകള്‍ പുറത്തുവന്നെങ്കിലും പിന്നീട് താരം പിന്മാറുകയായിരന്നു. പ്രഭാസുമായുള്ള അഭിപ്രായവ്യത്യാസമാണ് ദീപിക പിന്മാറാന്‍ കാരണമെന്നും റിപ്പോര്‍ട്ടുകളുണ്ട്. ദീപികയ്ക്കുശേഷം ആരാകും നായിക എന്നായിരുന്നു എല്ലാവരും ഉറ്റുനോക്കിയത്. ഒടുവില്‍ തൃപ്തി ദിമ്രിയായിരിക്കും നായിക എന്ന ഔദ്യോഗിക പ്രഖ്യാപനവുമുണ്ടായി.

പ്രഭാസ്

ചിത്രത്തില്‍ രണ്‍ബീറിന്റെ കഥാപാത്രത്തെക്കുറിച്ചും വാര്‍ത്തകള്‍ പ്രചരിക്കുന്നുണ്ട്. സിനിമയുടെ നിര്‍ണായകഘട്ടത്തില്‍ ശക്തമായ കഥാപാത്രമായാണു താരം പ്രത്യക്ഷപ്പെടുക എന്നാണ് ഇപ്പോള്‍ പുറത്തുവരുന്ന വിവരം. പ്രഭാസ്-രണ്‍ബീര്‍ കൂട്ടുകെട്ട് ആദ്യമായി വെള്ളിത്തിരയില്‍ എത്തുമ്പോള്‍ മാസ് ചിത്രമായിരിക്കും 'സ്പിരിറ്റ്' എന്നാണ് അണിയറക്കാര്‍ നല്‍കുന്ന വിവരം.