കല്യാണി പ്രിയദര്ശനെ കേന്ദ്ര കഥാപാത്രമാക്കി പൊട്ടന്ഷ്യല് സ്റ്റുഡിയോസ് അവതരിപ്പിക്കുന്ന പുതിയ ചിത്രത്തിന്റെ ചിത്രീകരണം ചെന്നൈയിൽ ആരംഭിച്ചു.പൊട്ടന്ഷ്യല് സ്റ്റുഡിയോസ്സിന്റെ ഏഴാമത് സംരംഭമാണിത്. നിരൂപക പ്രശംസ പിടിച്ചുപറ്റിയതും മികച്ച കളക്ഷന് റെക്കോര്ഡുകള് കുറിച്ചതുമായ, മാനഗരം, മായ, മോണ്സ്റ്റര്, താനക്കാരന്, ഇരുഗപത്രു, ബ്ലാക്ക് എന്നീചിത്രങ്ങള്ക്ക് ശേഷം പൊട്ടന്ഷ്യല് സ്റ്റുഡിയോസിന്റെ നിർമാണസംരംഭമാണിത്. എസ്.ആര്. പ്രകാശ് ബാബു, എസ്.ആര്. പ്രഭു, പി. ഗോപിനാഥ്, തങ്കപ്രഭാകരന് ആര് എന്നിവര് ചേര്ന്നാണ് നിർമാണം.
മുന്നൂറുകോടി കളക്ഷന് നേടി ഇന്റഡസ്ട്രിഹിറ്റായി മാറിയ 'ലോക: ചാപ്റ്റര് 1 ചന്ദ്ര' യ്ക്ക് ശേഷം കല്യാണി പ്രിയദര്ശന് പ്രധാന വേഷത്തില് എത്തുന്നു എന്ന പ്രത്യേകതയും ചിത്രത്തിനുണ്ട്. കല്യാണിയെ കൂടാതെ നാന് മഹാന് അല്ല ഫെയിം ദേവദര്ശിനി, വിനോദ് കിഷന് എന്നിവരും ചിത്രത്തിലുണ്ട്.
നവാഗതനായ തിറവിയം എസ്.എന്. സംവിധാനം ചെയ്യുന്ന ചിത്രത്തിന് തിരക്കഥയും സംഭാഷണവും ഒരുക്കുന്നത് പ്രവീണ് ഭാസ്കറും ശ്രീ കുമാറും ചേര്ന്നാണ്.സംഗീതം: ജസ്റ്റിന് പ്രഭാകരന് ഛായാഗ്രഹണം:ഗോകുല് ബെനോയ്, എഡിറ്റര്:ആരല് ആര്.തങ്കം , പ്രൊഡക്ഷന് ഡിസൈനര്:മായപാണ്ടി: വസ്ത്രാലങ്കാരം:ഇനാസ് ഫര്ഹാനും ഷേര് അലി,പിആര്ഒ: പ്രതീഷ് ശേഖര്