ശ്രീനാഥ് ഭാസിയുടെ മ്യൂസിക്കൽ ഹൊറർ കോമഡി 'കറക്കം' ഒടിടിയിലേക്ക്

ശ്രീ​നാ​ഥ് ഭാ​സി പ്ര​ധാ​ന വേ​ഷ​ത്തി​ലെ​ത്തി​യ "ക​റ​ക്കം' ഒ​ടി​ടി റി​ലീ​സി​ന് ഒ​രു​ങ്ങു​ന്നു. സോ​ണി ലി​വി​ന്‍റെ ജൂ​ലായ് മ​ല​യാ​ളം മൂ​വി ഫെ​സ്റ്റി​ന്‍റെ ഭാ​ഗ​മാ​യാ​ണ് ചി​ത്രം ഡി​ജി​റ്റ​ൽ റി​ലീ​സി​ന് ത​യാ​റെ​ടു​ക്കു​ന്ന​ത്. ജൂ​ലായ് മൂന്നിന് ചി​ത്രം സോ​ണി ലി​വി​ൽ സ്ട്രീ​മിങ് ആ​രം​ഭി​ക്കും.

മ​ല​യാ​ള​ത്തി​ലെ ആ​ദ്യ​ത്തെ മ്യൂ​സി​ക്ക​ൽ ഹൊ​റ​ർ കോ​മ​ഡി ചി​ത്രം എ​ന്ന വി​ശേ​ഷ​ണ​ത്തോ​ടെ​യാ​ണ് ക​റ​ക്കം എ​ത്തു​ന്ന​ത്. സു​ഭാ​ഷ് ല​ളി​ത സു​ബ്ര​ഹ്മ​ണ്യ​ൻ സം​വി​ധാ​നം ചെ​യ്ത ​ചി​ത്രം ക​ഴി​ഞ്ഞ മെ​യ് 28നാ​ണ് തി​യേ​റ്റ​റു​ക​ളി​ൽ റി​ലീ​സ് ചെ​യ്ത​ത്. പു​തു​വ​ത്സ​ര രാ​വി​ൽ ര​ണ്ട് യു​വാ​ക്ക​ൾ ഒ​പ്പി​ക്കു​ന്ന ഒ​രു ത​മാ​ശ​യെ​ത്തു​ട​ർ​ന്ന് കു​റ​ച്ചു പ്രേ​ത​ങ്ങ​ൾ പു​റ​ത്തു​വ​രു​ന്ന​തും, അ​ത് അ​വ​രു​ടെ ജീ​വി​ത​ത്തി​ൽ ഉ​ണ്ടാ​ക്കു​ന്ന കോ​ലാ​ഹ​ല​ങ്ങ​ളു​മാ​ണ് ചി​ത്ര​ത്തിന്‍റെ പ്ര​മേ​യം.

ഹൊ​റ​റും കോ​മ​ഡി​യും സം​ഗീ​ത​വും ചേ​ർ​ത്തൊ​രു​ക്കി​യ ഈ ​ഫാ​മി​ലി എ​ന്‍റ​ർ​ടെ​യ്ന​ർ തി​യേ​റ്റ​റു​ക​ളി​ൽ മി​ക​ച്ച പ്ര​തി​ക​ര​ണ​മാ​ണ് നേ​ടി​യ​ത്. ഫെ​മി​ന ജോ​ർ​ജ്, ഷൗ​ൺ റോ​മി, സി​ദ്ധാ​ർ​ഥ് ഭ​ര​ത​ൻ, ജീ​ൻ പോ​ൾ ലാ​ൽ, അ​ഭി​രാം രാ​ധാ​കൃ​ഷ്ണ​ൻ, മ​ണി​ക​ണ്ഠ​ൻ ആ​ചാ​രി, ബി​ജു​ക്കു​ട്ട​ൻ എ​ന്നി​വ​രാ​ണ് ചി​ത്ര​ത്തി​ലെ മ​റ്റ് പ്ര​ധാ​ന താ​ര​ങ്ങ​ൾ. ബ്ലാക്ക് ടർട്ടിൽ പ്രൊഡക്ഷൻസിന്റെയും ക്രൗൺസ്റ്റാർസ് എന്റർടെയ്ൻമെന്റിന്റെയും ബാനറിൽ അങ്കുഷ് സിങ്, കിംബർളി ട്രിനിഡാഡ് എന്നിവർ ചേർന്നാണ് ചിത്രം നിർമിച്ചിരിക്കുന്നത്.

ധനുഷ് വർഗീസിന്റെ കഥയെ ആസ്പദമാക്കി നിപിൻ നാരായണൻ, സുഭാഷ് ലളിത സുബ്രഹ്മണ്യൻ, അർജുൻ നാരായണൻ എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. ഗാനങ്ങളും പശ്ചാത്തല സംഗീതവും ഒരുക്കിയിരിക്കുന്നത് സാം സി. എസ്. ആണ്. ബബ്ലു അജു ഛായാഗ്രഹണവും നിതിൻ രാജ് അറോൾ എഡിറ്റിങ്ങും നിർവഹിക്കുന്നു. അൻവർ അലി, വിനായക് ശശികുമാർ, മുഹ്സിൻ പരാരി, ഹരീഷ് മോഹനൻ, സു എന്നിവർ ഗാനരചനയും രാജേഷ് പി. വേലായുധൻ കലാസംവിധാനവും അരവിന്ദ് മേനോൻ സൗണ്ട് മിക്സിങ്ങും സിങ്ക് സിനിമ സൗണ്ട് ഡിസൈനും നിർവഹിക്കുന്നു.