ബിജു സോപാനവും സംവിധായകൻ തുളസീദാസിന്റെ മകൻ സൂര്യദാസും മുഖ്യവേഷങ്ങളിൽ എത്തുന്ന പുതിയ ചിത്രം 'തോട്ട' ഉടൻ തിയേറ്ററുകളിലെത്തും. ചിത്രത്തിൻ്റെ ആദ്യ പോസ്റ്റർ കേന്ദ്രമന്ത്രി സുരേഷ് ഗോപി പ്രകാശനം ചെയ്തു. സി ഫോർ സിനിമാസിൻ്റെ ബാനറിൽ അനിൽ ഗോപിനാഥ് നിർമാണവും ഛായാഗ്രഹണവും സംവിധാനവും നിർവ്വഹിക്കുന്ന 'തോട്ട', ഫാമിലിയും സസ്പെൻസും ഒരേപോലെ കോർത്തിണക്കിയാണ് ഒരുക്കിയിരിക്കുന്നത്.
വെൺമണിമേട് എന്ന മലയോര ഗ്രാമത്തിന്റെ പശ്ചാത്തലത്തിൽ, സാധാരണക്കാരുടെ ജീവിതത്തിലൂടെ കടന്നുപോകുന്ന സംഭവബഹുലമായ ഒരു കഥയാണ് ചിത്രം പറയുന്നത്. ജീവിതഗന്ധിയായ മുഹൂർത്തങ്ങൾക്കൊപ്പം പ്രേക്ഷകരുടെ ആകാംക്ഷ നിലനിർത്തുന്ന ഒട്ടനവധി സസ്പെൻസ് മുഹൂർത്തങ്ങളും ചിത്രത്തിലുണ്ട്.
വിജയൻ ആക്കുളം, അനിൽ നായർ, സിറിയക് ആലഞ്ചേരി, ഞെക്കാട് രാജു, റോബിൻ മായന്നൂർ, ഗിരീഷ്, സുനിൽകുമാർ, എം ടി സുകുമാരൻ, ബിച്ചു അനീഷ്, എയ്ഞ്ചൽ അനിൽ, അരുന്ധതി, ഡോ.ശ്വേത, ആൽബി, മാസ്റ്റർ ബദരീനാഥ് തുടങ്ങി അഭിനേതാക്കളുടെ വലിയൊരുനിര തന്നെ ചിത്രത്തിൽ അണിനിരക്കുന്നുണ്ട്. തുളസീദാസും ഈ ചിത്രത്തിൽ അഭിനയിക്കുന്നു.
എക്സിക്യൂട്ടീവ് പ്രൊഡ്യൂസർമാർ - ടി.എസ്. ജയകുമാർ, വിജയൻ ആക്കുളം,ബൈജു ആരാധന,ഗോപുകൃഷ്ണ,സിറിയക് ആലഞ്ചേരി,റോബിൻ മായനൂർ,സുനിൽകുമാർ, മിഥുൻ എം.എസ്, സുധീർ പൂജപ്പുര, എഡിറ്റിങ് - വിഷ്ണു കല്യാണി,കഥ,തിരക്കഥ,സംഭാഷണം - റാഫി.കെ, ഗാനരചന - ബിജു ഭാസ്കർ, ഡോ.സുകേഷ്, സംഗീത സംവിധാനം, പശ്ചാത്തല സംഗീതം- ഗോപു കൃഷ്ണ, പ്രൊഡക്ഷൻ കൺട്രോളർ - കുടപ്പനക്കുന്ന് രാജീവ്, ചീഫ് അസോസിയേറ്റ് ഡയറക്ടർ - നസീർ മണക്കാട്, അസോസിയേറ്റ് ഡയറക്ടർമാർ - ശിവ മുരളി, കടയൽ സത്യരാജ് (തമിഴ്), കലാ സംവിധാനം - ബൈജു ആരാധന, മേക്കപ്പ്- ബിനോയ് കൊല്ലം, വസ്ത്രാലങ്കാരം - റാണാപ്രതാപ്, സംഘട്ടനം - അഷ്റഫ് ഗുരുക്കൾ,നൃത്ത സംവിധാനം - കിരൺ രാജീവ്, സംവിധാന സഹായികൾ - റാഫി കൊല്ലം, പപ്പൻ വർക്കല, അസോസിയേറ്റ് ക്യാമറമാൻ - സുജിത്ത് മുരളി, ഫിനാൻസ് കൺട്രോളർ - പിരപ്പൻകോട് രാജു,സ്റ്റിൽസ് - ലാൽ, കണ്ണൻ പള്ളിപ്പുറം,പിആർഒ - അജയ് തുണ്ടത്തിൽ.