'മാ​ധ്യ​മ​പ്ര​വ​ർ​ത്ത​ന​മ​ല്ല, ഇ​ത് വോ​യ​റി​സം'; സുപ്രിയ മേ​നോ​ൻ

മ​ല​യാ​ള സി​നി​മ​യു​ടെ ചി​രി​യും ചി​ന്ത​യു​മാ​യി​രു​ന്ന ന​ട​ൻ സ​ലിംകു​മാ​റിന്‍റെ അ​പ്ര​തീ​ക്ഷി​ത വി​യോ​ഗം സി​നി​മാലോ​ക​ത്തെ​യും ആ​രാ​ധ​ക​രെ​യും ഒ​രു​പോ​ലെ ക​ണ്ണീ​രി​ലാ​ഴ്ത്തി​യി​രി​ക്കു​ക​യാ​ണ്. ക​ന​ത്ത മ​ഴ​യെ​പ്പോ​ലും അ​വ​ഗ​ണി​ച്ച് പ്രി​യ​താ​ര​ത്തി​ന് അ​ന്ത്യാ​ഞ്ജ​ലി അ​ർ​പ്പി​ക്കാ​ൻ പ​റ​വൂ​രി​ലെ 'ലാ​ഫി​ങ് വി​ല്ല' എ​ന്ന വ​സ​തി​യി​ലേ​ക്ക് ആ​യി​ര​ങ്ങ​ളാ​ണ് ഒ​ഴു​കി​യെ​ത്തി​യ​ത്. എ​ന്നാ​ൽ, ഈ ​വി​ലാ​പ​യാ​ത്ര​യ്ക്കി​ട​യി​ൽ ചി​ല ദൃശ്യമാധ്യമങ്ങൾ കാ​ട്ടി​യ ഔചിത്യമില്ലായ്മയും മൊബൈൽ ക്യാമറയും തുറന്നുപിടിച്ചുനിന്നവരുടെ തി​ക്കും തി​ര​ക്കും ഇ​പ്പോ​ൾ സോ​ഷ്യ​ൽ മീ​ഡി​യ​യി​ൽ വ​ലി​യ രീ​തി​യി​ലു​ള്ള പ്ര​തി​ഷേ​ധ​ങ്ങ​ൾ​ക്കാ​ണ് വ​ഴി​തു​റ​ന്നി​രി​ക്കു​ന്ന​ത്.

പ്രി​യ​പ്പെ​ട്ട ഒ​രാ​ളു​ടെ വി​യോ​ഗ​ത്തി​ൽ ത​ക​ർ​ന്നി​രി​ക്കു​ന്ന കു​ടും​ബ​ത്തി​ന്‍റെ സ്വ​കാ​ര്യ​ത​യി​ലേ​ക്ക് ക്യാ​മ​റ​ക​ളും മൈ​ക്കു​ക​ളു​മാ​യി ഇ​ര​ച്ചു​ക​യ​റി​യ മാ​ധ്യ​മ​ങ്ങ​ളു​ടെ ഈ ​നി​ല​പാ​ടി​നെ​തി​രെ ക​ടു​ത്ത ഭാ​ഷ​യി​ലാ​ണ് മു​ൻ മാ​ധ്യ​മ​പ്ര​വ​ർ​ത്ത​ക​യും നി​ർ​മാ​താ​വും ന​ട​ൻ പൃ​ഥ്വി​രാ​ജി​ന്‍റെ ഭാ​ര്യ​യു​മാ​യ സു​പ്രി​യ മേ​നോ​ൻ പ്ര​തി​ക​രി​ച്ചി​രി​ക്കു​ന്ന​ത്. തന്‍റെ ഇ​ൻ​സ്റ്റ​ഗ്രാം സ്റ്റോ​റി​യി​ലൂ​ടെ​യാ​ണ് സു​പ്രി​യ മാ​ധ്യ​മ​ങ്ങ​ളു​ടെ ഈ ​അ​നി​യ​ന്ത്രി​ത​മാ​യ ക​ട​ന്നു​ക​യ​റ്റ​ത്തെ രൂ​ക്ഷ​മാ​യി വി​മ​ർ​ശി​ച്ച​ത്.

'പ്രി​യ​പ്പെ​ട്ട ഒ​രാ​ളോ​ട് വി​ട​പ​റ​യേണ്ടിവരുന്ന, ഹൃ​ദ​യം ത​ക​രു​ന്ന വേ​ദ​ന​യി​ലൂ​ടെ ക​ട​ന്നു​പോ​കു​ന്ന ഒ​രു കു​ടും​ബം. എ​ന്നാ​ൽ അ​വി​ടെ​യും, അ​വ​സാ​ന​യാ​ത്ര​യു​ടെ ക്ലോ​സ് അ​പ്പ് ​ദൃ​ശ്യ​ങ്ങ​ൾ​ക്കാ​യി ഇ​ര​യെ കാ​ത്തി​രി​ക്കു​ന്ന ക​ഴു​ക​ന്മാ​രെ​പ്പോ​ലെ ക്യാ​മ​റ​ക​ളും മൈ​ക്കു​ക​ളു​മാ​യി ത​ടി​ച്ചു​കൂ​ടു​ന്ന​വ​ർ. നി​ൽ​ക്കു​വാ​ൻ പോ​ലും സ്ഥ​ല​മി​ല്ലാ​തെ മ​ക​ൻ നി​ല​വി​ളി​ക്കു​ന്നു. എ​ന്താ​ണ് സംഭവിച്ചുകൊണ്ടിരിക്കുന്നത്.'-സു​പ്രി​യ കു​റി​ച്ചു.

മ​റ്റു​ള്ള​വ​രു​ടെ സ്വ​കാ​ര്യനിമിഷങ്ങൾ ത​ത്സ​മ​യം കാ​ണാ​ൻ ആ​ഗ്ര​ഹി​ക്കു​ന്ന സ​മൂ​ഹ​ത്തി​ന്‍റെ വി​ക​ല​മാ​യ ചി​ന്താ​ഗ​തി​യെ​യും സു​പ്രി​യ ചോ​ദ്യം ചെ​യ്തു. മാ​ന്യ​ത​യും അ​ച്ച​ട​ക്ക​വും മ​റ​ന്നു​ള്ള ഇ​ത്ത​രം പ്ര​വ​ണ​ത​ക​ൾ അ​വ​സാ​നി​പ്പി​ക്ക​ണ​മെ​ന്നും, മ​നു​ഷ്യ​രു​ടെ സ്വ​കാ​ര്യ​ത​യെ മാ​നി​ക്കാ​ൻ മാ​ധ്യ​മ​ങ്ങ​ൾ തയാ​റാ​ക​ണ​മെ​ന്നും അ​വ​ർ കൂ​ട്ടി​ച്ചേ​ർ​ത്തു. 'ഇ​ത് മാ​ധ്യ​മ​പ്ര​വ​ർ​ത്ത​ന​മ​ല്ല, വോ​യ​റി​സ​മാ​ണ്! അ​റ​പ്പു​ള​വാ​ക്കു​ന്ന​തും അ​ശ്ലീ​ല​വു​മാ​ണ്.' എ​ന്ന ക​ടു​ത്ത വാ​ക്കു​ക​ളോ​ടെ​യാ​ണ് സു​പ്രി​യ ത​ന്‍റെ കു​റി​പ്പ് അ​വ​സാ​നി​പ്പി​ച്ച​ത്. മു​ൻ മാ​ധ്യ​മ​പ്ര​വ​ർ​ത്ത​ക​യാ​യ സു​പ്രി​യ​യു​ടെ ഈ ​പ്ര​തി​ക​ര​ണം അ​തു​കൊ​ണ്ടു​ത​ന്നെ വ​ലി​യ രീ​തി​യി​ൽ ച​ർ​ച്ച​യാ​യി​ക്ക​ഴി​ഞ്ഞു.

അ​ന്ത്യ​ക​ർ​മ​ങ്ങ​ൾ ന​ട​ക്കു​ന്ന​തി​നി​ട​യി​ൽ മൊബൈലും ക്യാമറകളുമായി തിങ്ങിനിറഞ്ഞവർ സൃ​ഷ്ടി​ച്ച അ​നി​യ​ന്ത്രി​ത​മാ​യ തി​ര​ക്ക് സ​ലിംകു​മാ​റിന്‍റെ കു​ടും​ബ​ത്തി​ന് വലിയ ബു​ദ്ധി​മു​ട്ടാ​ണുണ്ടാ​ക്കി​യ​ത്. സ​ലിംകു​മാ​റി​ന്‍റെ മ​ക​നും ന​ട​നു​മാ​യ ച​ന്തു​വി​ന് പി​താ​വി​ന്‍റെ ഭൗ​തി​ക​ശ​രീ​ര​ത്തി​ന​ടു​ത്തേ​ക്കു പോ​ലും എ​ത്താ​ൻ ക​ഴി​യാ​ത്ത വി​ധം ക്യാ​മ​റ​ക​ൾ ചു​റ്റും ത​ടി​ച്ചു​കൂ​ടി.

ഒ​ടു​വി​ൽ നി​യ​ന്ത്ര​ണം വി​ട്ട ച​ന്തു വി​കാ​രാ​ധീ​ന​നാ​യി 'നി​ങ്ങ​ൾ​ക്ക് എ​ന്താ​ണ് വേ​ണ്ട​ത്? മാ​റി നി​ൽ​ക്കൂ...' എന്നു പൊട്ടിത്തെറിക്കുന്ന വീ​ഡി​യോ​ക​ൾ ഇ​പ്പോ​ൾ സോ​ഷ്യ​ൽ മീ​ഡി​യ​യി​ൽ വ്യാ​പ​ക​മാ​യി പ്ര​ച​രി​ക്കു​ന്നു​ണ്ട്. തിരക്ക് നിയന്ത്രിക്കാൻ ഒടുവിൽ മുഖ്യമന്ത്രി വി.ഡി.സതീശൻ നേരിട്ടിറങ്ങിയ അവസ്ഥവരെയുണ്ടായി. കാഴ്ചക്കാരെയും ടിആർപിയും കൂട്ടാനുള്ള തിരക്കിൽ മനുഷ്യത്വം നഷ്ടമായെന്ന് നടി രജിഷ വിജയനും സോഷ്യൽ മീഡിയയിൽ കുറിച്ചു.

മ​ര​ണ​വീ​ടു​ക​ളി​ലെ ഇ​ത്ത​രം മാ​ധ്യ​മ​വേ​ട്ട​ക​ൾ​ക്കെ​തി​രെ സോ​ഷ്യ​ൽ മീ​ഡി​യ​യി​ലും പൊ​തു​സ​മൂ​ഹ​ത്തി​ലും വ​ലി​യ രീ​തി​യി​ലു​ള്ള അ​മ​ർ​ഷ​മാ​ണ് ഉ​യ​രു​ന്ന​ത്. റേ​റ്റി​ങ്ങി​നും വ്യൂ​സി​നും വേ​ണ്ടി ഒ​രു കു​ടും​ബ​ത്തിന്‍റെ കണ്ണീ​രി​നെ വി​ല്പ​ന​യ്ക്ക് വ​യ്ക്കു​ന്ന ഇ​ത്ത​രം മാ​ധ്യ​മസംസ്കാരം അ​വ​സാ​നി​പ്പി​ക്കേ​ണ്ട കാ​ലം അ​തി​ക്ര​മി​ച്ചി​രി​ക്കു​ന്നു എ​ന്നാ​ണ് സു​പ്രി​യ​യു​ടെ പോ​സ്റ്റി​നെ പി​ന്തു​ണ​ച്ചു​കൊ​ണ്ട് ഭൂ​രി​ഭാ​ഗം പേ​രും അ​ഭി​പ്രാ​യ​പ്പെ​ടു​ന്ന​ത്.