മനുഷ്യമനസ്സിന്റെ മായികലോകത്തേക്കുള്ള വാതിൽ തുറന്നിട്ട് രഞ്ജിത്തിന്റെ 'ആരോ'(Someone). മഞ്ജു വാരിയർ,ശ്യാമപ്രസാദ്,അസീസ് നെടുമങ്ങാട് എന്നിവർ അഭിനയിച്ച ഈ ഹ്രസ്വചിത്രം മമ്മൂട്ടികമ്പനിയുടെ യൂട്യൂബ് ചാനലിലാണ് റിലീസ് ചെയ്തത്. മമ്മൂട്ടി കമ്പനി നിർമിക്കുന്ന ആദ്യ ഹ്രസ്വചിത്രമാണിത്. രഞ്ജിത്തിന്റെ നിർമാണക്കമ്പനിയായ കാപ്പിറ്റോൾ തിയേറ്ററും സഹകരിക്കുന്നു. 21മിനിട്ടാണ് ദൈർഘ്യം. ശ്യാമപ്രസാദ് അവതരിപ്പിക്കുന്ന എഴുത്തുകാരനിലൂടെയാണ് 'ആരോ' വികസിക്കുന്നത്. പേരിലെ 'ആരോ' എന്താണ് എന്നതിലാണ് ഈ കുഞ്ഞുചിത്രത്തിന്റെ ഭംഗി ഒളിഞ്ഞിരിക്കുന്നത്.
കഥയും സംഭാഷണവും പ്രശസ്ത എഴുത്തുകാരൻ വി.ആർ.സുധീഷിന്റേതാണ്. കവിത- കൽപ്പറ്റ നാരായണൻ, എക്സിക്യൂട്ടീവ് പ്രൊഡ്യൂസർ- ജോർജ് സെബാസ്റ്റ്യൻ, ചായാഗ്രഹണം- പ്രശാന്ത് രവീന്ദ്രൻ, ബാക്ഗ്രൗണ്ട് സ്കോർ- ബിജിബാൽ, എഡിറ്റർ- രതിൻ രാധാകൃഷ്ണൻ, പ്രൊഡക്ഷൻ ഡിസൈനർ- സന്തോഷ് രാമൻ, ഡിഐ- ലിജു പ്രഭാകർ, പ്രൊഡക്ഷൻ സൗണ്ട് മിക്സർ, സൗണ്ട് ഡിസൈനർ-അജയൻ അടാട്ട്, ലൈൻ പ്രൊഡ്യൂസർ- സുനിൽ സിങ്, കോസ്റ്റ്യൂം- സമീറാ സനീഷ്, മേക്കപ്പ്- രഞ്ജിത്ത് അമ്പാടി, അസോസിയേറ്റ് ഡയറക്ടർമാർ- ഋത്വിക് ലിമ രാമദാസ്, വിവേക് പ്രശാന്ത് പിള്ള, സ്റ്റിൽ ഫോട്ടോഗ്രാഫർമാർ- സുജിത്ത് വെള്ളനാട്, സുമിത്ത് വെള്ളനാട്, പബ്ലിസിറ്റി ഡിസൈൻസ്- യെല്ലോ ടൂത്ത്സ്