ശ്രീനാഥ് ഭാസി, ഫെമിന ജോര്‍ജ് എന്നിവരെ പ്രധാന കഥാപാത്രങ്ങളാക്കി സുഭാഷ് ലളിത സുബ്രഹ്‌മണ്യന്‍ സംവിധാനം ചെയ്യുന്ന 'കറക്കം' എന്ന ചിത്രത്തിന്റെ ടൈറ്റില്‍ പോസ്റ്റര്‍ റിലീസ് ചെയ്തു. മോളിവുഡിലേക്ക് തുടക്കം കുറിച്ച് ക്രൗണ്‍ സ്റ്റാര്‍സ് എന്റര്‍ടൈന്‍മെന്റിന്റെ ബാനറില്‍ കിംബര്‍ലി ട്രിനിഡെട്, അന്‍കുഷ് സിങ് എന്നിവര്‍ നിര്‍മിക്കുന്ന ചിത്രത്തില്‍ അഭിറാം രാധാകൃഷ്ണന്‍, സിദ്ധാര്‍ഥ് ഭരതന്‍, ജീന്‍ പോള്‍ ലാല്‍, പ്രവീണ്‍ ടി.ജെ, മണികണ്ഠന്‍ ആചാരി, ബിജു കുട്ടന്‍, മിഥൂട്ടി, ഷോണ്‍ റോമി, ലെനാസ് ബിച്ചു, ശാലു റഹിം, വിനീത് തട്ടില്‍,മനോജ് മോസസ് തുടങ്ങിയവരും വേഷമിടുന്നു.
അമാനുഷികമായ സംഭവങ്ങളും ഹൊറര്‍ കോമഡിയും നിറഞ്ഞ ചിത്രമാണ് 'കറക്കം'എന്നു സൂചിക്കുന്നതാണ് ടൈറ്റില്‍ മോഷന്‍ പോസ്റ്ററിലുള്ളത്. കറക്കത്തിലൂടെ മലയാള സിനിമയ്ക്ക് രണ്ടു പുതിയ നിര്‍മാതാക്കളെയാണു ലഭിക്കുന്നത്. ദേശീയ, അന്തര്‍ദേശീയ തലങ്ങളില്‍ എന്നും ശ്രദ്ധ നേടുന്ന മലയാള സിനിമാലോകത്തിന്റെ ഭാഗമാകാന്‍ കഴിഞ്ഞതില്‍ അഭിമാനമുണ്ടെന്നും ഇതു മലയാളത്തിലേക്കുള്ള തങ്ങളുടെ ആദ്യ ചുവടുവയ്പാണെന്നും നിര്‍മാതാക്കള്‍ പറഞ്ഞു.
നിപിന്‍ നാരായണന്‍, സുഭാഷ് ലളിത സുബ്രഹ്‌മണ്യന്‍, അര്‍ജുന്‍ നാരായണന്‍ എന്നിവര്‍ ചേര്‍ന്ന് തിരക്കഥ സംഭാഷണമെഴുതുന്നു. സംഗീതം- സാം സിഎസ്. ക്യാമറ- ബബ്ലു അജു, എഡിറ്റര്‍-നിതിന്‍ രാജ് അരോള്‍, കഥ- ധനുഷ് വര്‍ഗീസ്, കലാസംവിധാനം- രാജേഷ് പി. വേലായുധന്‍, പ്രൊഡക്ഷന്‍ കണ്‍ട്രോളര്‍- റിന്നി ദിവാകര്‍, എക്സിക്യൂട്ടീവ് പ്രൊഡ്യൂസര്‍- പ്രശോഭ് വിജയന്‍, ക്രിയേറ്റീവ് പ്രൊഡ്യൂസര്‍- മോഹിത് ചൗധരി.